ദുബൈ: ഇറാനെതിരെയുള്ള ഇസ്രായേൽ ആക്രമണത്തെ ശക്തമായി അപലപിച്ച് യു.എ.ഇ. വർധിച്ചുവരുന്ന സംഘർഷത്തിലും മേഖലയിലെ സുരക്ഷയിലും സ്ഥിരതയിലും ആക്രമണമുണ്ടാക്കുന്ന അനന്തരഫലത്തിലും യു.എ.ഇ ആശങ്കയും പ്രകടിപ്പിച്ചു.
രാജ്യങ്ങളുടെ പരമാധികാരം മാനിക്കണമെന്നും ആത്മനിയന്ത്രണം പാലിക്കേണ്ടത് അത്യാവശ്യമാണെന്നും യു.എ.ഇ വിദേശകാര്യമന്ത്രാലയം വ്യക്തമാക്കി. ഏറ്റുമുട്ടലിന് പകരം നയതന്ത്ര മാര്‍ഗങ്ങളിലൂടെ തര്‍ക്കങ്ങള്‍ പരിഹരിക്കേണ്ടതിന്‍റെ ആവശ്യകതയും യു.എ.ഇ വിശദീകരിച്ചു.
ആക്രമണത്തിന്‍റെ പശ്ചാത്തലത്തില്‍ ശനിയാഴ്ച ജോർഡന്‍, ഇറാന്‍, ഇറാഖ്, ഇസ്രായേല്‍ എന്നിവിടങ്ങളിലേക്കുള്ള വിമാനങ്ങള്‍ ദുബൈ റദ്ദാക്കുകയും വഴിതിരിച്ചുവിടുകയും ചെയ്തതായി എയര്‍ലൈന്‍ വക്താവ് അറിയിച്ചു. ബഗ്ദാദിലേക്കും ഇറാനിലേക്കുമുള്ള വിമാനങ്ങള്‍ ഈ മാസം 30 വരെ എമിറേറ്റ്‌സ് എയര്‍ലൈന്‍സ് റദ്ദാക്കിയിട്ടുണ്ട്. ദുബൈ വഴി ട്രാന്‍സിറ്റ് ചെയ്യുന്ന യാത്രക്കാര്‍ക്കും ഇത് ബാധകമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.