നി​ല​ക്കാ​തെ ആ​ഘോ​ഷ​ത്തി​ൽ ഇ​മാ​റാ​ത്ത്

ദു​ബൈ: അ​ത്ര​മേ​ൽ പ്ര​ണ​യ​മാ​ണീ നാ​ടി​നോ​ടെ​ന്ന്​ ഉ​റ​ക്കെ​യു​റ​ക്കെ പ്ര​ഖ്യാ​പി​ച്ച്​ 'ഇ​മാ​റാ​ത്തി​ന്‍റെ ആ​ഘോ​ഷം' നി​ല​ക്കാ​തെ തു​ട​രു​ക​യാ​ണ്. വെ​ള്ളി​യാ​ഴ്ച​ ദേ​ശീ​യ​ദി​ന ആ​ഘോ​ഷ​ത്തി​ന്‍റെ ഔ​ദ്യോ​ഗി​ക പ​രി​പാ​ടി​ക​ൾ അ​വ​സാ​നി​ച്ചെ​ങ്കി​ലും എ​ല്ലാ എ​മി​റേ​റ്റു​ക​ളി​ലും സ്വ​ദേ​ശി​ക​ളും വി​ദേ​ശി​ക​ളും പ​​ങ്കെ​ടു​ക്കു​ന്ന നി​ര​വ​ധി പ​രി​പാ​ടി​ക​ളാ​ണ്​ ന​ട​ക്കു​ന്ന​ത്. വി​വി​ധ എ​മി​റേ​റ്റു​ക​ൾ ചേ​ർ​ന്ന് ഐ​ക്യ അ​റ​ബ് എ​മി​റേ​റ്റ് എ​ന്ന രാ​ജ്യം രൂ​പീ​ക​രി​ച്ച​തി​ന്‍റെ വാ​ർ​ഷി​ക​മാ​യ ദേ​ശീ​യ​ദി​ന​ത്തി​ന്​ ഇ​ത്ത​വ​ണ മൂ​ന്ന്​ ദി​വ​സ​ത്തെ അ​വ​ധി​യാ​ണ്​ പ്ര​ഖ്യാ​പി​ച്ച​ത്. വാ​രാ​ന്ത്യ അ​വ​ധി​ദി​ന​മാ​യ ഞാ​യ​റാ​ഴ്ച കൂ​ടി ചേ​ർ​ന്ന​തോ​ടെ നാ​ലു​ദി​വ​സ​ത്തെ അ​വ​ധി​യാ​ണ്​ ല​ഭി​ച്ച​ത്. ഈ ​ദി​വ​സ​ങ്ങ​ളി​ലെ​ല്ലാം തു​ട​ർ​ച്ച​യാ​യ പ​രി​പാ​ടി​ക​ളാ​ണ്​ എ​ല്ലാ​യി​ട​ത്തും ന​ട​ക്കു​ന്ന​ത്.

ദേ​ശീ​യ​ദി​നം വ​ർ​ണാ​ഭ​മാ​ക്കു​ന്ന​തി​ൽ യു.​എ.​ഇ ജ​ന​ത​ക്കൊ​പ്പം ല​ക്ഷ​ക​ണ​ക്കി​ന് പ്ര​വാ​സി​ക​ളും പ​ങ്കു​ചേ​രു​ന്നു​ണ്ട്. മ​ല​യാ​ളി കൂ​ട്ടാ​യ്മ​ക​ൾ സേ​വ​ന​പ്ര​വ​ർ​ത്ത​ന​ങ്ങ​ളും ക​ലാ-​സാം​സ്കാ​രി​ക പ​രി​പാ​ടി​ക​ളു​മാ​യാ​ണ്​ പ്ര​ധാ​ന​മാ​യും രം​ഗ​ത്തു​ള്ള​ത്. കോ​വി​ഡ്​ മ​ഹാ​മാ​രി​ക്ക്​ ശേ​ഷം നി​യ​ന്ത്ര​ണ​ങ്ങ​ൾ പൂ​ർ​ണ​മാ​യും നീ​ങ്ങി​യ സാ​ഹ​ച​ര്യ​ത്തി​ലെ ആ​ദ്യ ദേ​ശീ​യ​ദി​നം എ​ന്ന​തി​നാ​ലാ​ണ്​ ഇ​ത്ത​വ​ണ ആ​ഘോ​ഷ​ത്തി​ന്​ മാ​റ്റു​കൂ​ടി​യ​ത്. ക​രി​മ​രു​ന്ന്​ പ്ര​യോ​ഗ​ങ്ങ​ൾ, സം​ഗീ​ത​ക​ച്ചേ​രി​ക​ൾ, കു​ടും​ബ സൗ​ഹൃ​ദ സം​ഗ​മ​ങ്ങ​ൾ തു​ട​ങ്ങി​യ പ​രി​പാ​ടി​ക​ളി​ലെ​ല്ലാം ധാ​രാ​ളം പേ​രാ​ണ്​ ഓ​രേ എ​മി​റേ​റ്റി​ലും പ​​ങ്കെ​ടു​ക്കു​ന്ന​ത്​.

അ​ബൂ​ദ​ബി നാ​ഷ​ന​ല്‍ എ​ക്‌​സി​ബി​ഷ​ന്‍ സെ​ന്‍റ​റി(​അ​ഡ്‌​നെ​ക്)​ല്‍ 13 വ​രെ നീ​ളു​ന്ന വി​വി​ധ ആ​ഘോ​ഷ​പ​രി​പാ​ടി​ക​ളാ​ണ്​ ന​ട​ക്കു​ന്ന​ത്.

വി​ദ്യാ​ര്‍ഥി​ക​ളു​ടെ പ​രേ​ഡും വ​രും​ത​ല​മു​റ​ക​ളെ പ്ര​ചോ​ദി​പ്പി​ക്കു​ന്ന​തി​നാ​യി സ​മു​ദ്ര​ശാ​സ്ത്രം, പ​രി​സ്ഥി​തി, കൃ​ഷി, ബ​ഹി​രാ​കാ​ശം, ഗ​താ​ഗ​തം, സൗ​രോ​ര്‍ജം, വി​ദ്യാ​ഭ്യാ​സം എ​ന്നീ ഏ​ഴു മേ​ഖ​ല​ക​ളി​ല്‍ ന​ല്‍കി​യ സം​ഭാ​വ​ന​ക​ളെ​ക്കു​റി​ച്ച് പ്ര​തി​പാ​ദി​ക്കു​ന്ന ഷോ​യും പ​രി​പാ​ടി​യു​ടെ ഭാ​ഗ​മാ​യി അ​ര​ങ്ങേ​റു​ന്നു​ണ്ട്.

അ​ബൂ​ദ​ബി​യി​ൽ അ​ൽ മ​ര്​​യാ​ദ്​ ദ്വീ​പി​ൽ വെ​ള്ളി​യാ​ഴ്ച​യും ശ​നി​യാ​ഴ്ച​യും വെ​ടി​ക്കെ​ട്ട്​ വീ​ക്ഷി​ക്കാ​ൻ നി​ര​വ​ധി​പേ​രെ​ത്തി. അ​ൽ വ​ത്ബ​യി​ൽ ന​ട​ക്കു​ന്ന ശൈ​ഖ്​ സാ​യി​ദ് ഫെ​സ്റ്റി​വ​ലി​ന്‍റെ ഭാ​ഗ​മാ​യി ഡ്രോ​ൺ, ലേ​സ​ർ ഡി​സ്​​പ്ലേ​ക​ളും ക​രി​മ​രു​ന്ന് വി​സ്മ​യ​വും കൊ​റി​യോ​ഗ്രാ​ഫ് ചെ​യ്ത എ​മി​റേ​റ്റ്സ് ഫൗ​ണ്ട​ൻ ഷോ​യും ന​ട​ന്നു.

ദു​ബൈ​യി​ൽ ബു​ർ​ജ്​ ഖ​ലീ​ഫ​യി​ൽ പ്ര​ത്യേ​ക എ​ൽ.​ഇ.​ഡി ഡി​സ്​​പ്ലേ​യാ​ണ്​ ഇ​ത്ത​വ​ണ ഒ​രു​ക്കി​യ​ത്. ക്രീ​ക്ക്​ ഭാ​ഗ​ത്തെ അ​ൽ സീ​ഫി​ൽ പ​രേ​ഡും വാ​ട്ട​ർ​ഫ്ര​ണ്ട് ക​രി​മ​രു​ന്ന് പ്ര​ദ​ർ​ശ​ന​ങ്ങ​ളും ഒ​രു​ക്കി. ഞാ​യ​റാ​ഴ്ച വ​രെ ഈ ​പ്ര​ദേ​ശ​ത്ത്​ നി​ര​വ​ധി പ​രി​പാ​ടി​ക​ളു​ണ്ടാ​കും. ദു​ബൈ എ​ക്​​സ്​​പോ സി​റ്റി​യി​ലും ഗ്ലോ​ബ​ൽ വി​​ല്ലേ​ജി​ലും വി​വി​ധ പ​രി​പാ​ടി​ക​ൾ ഒ​രു​ക്കി​യി​ട്ടു​ണ്ട്.

1971 ഡി​സം​ബ​ർ ര​ണ്ടി​ന് യു.​എ.​ഇ​യു​ടെ രാ​ഷ്ട്ര​പി​താ​വ് ശൈ​ഖ് സാ​യി​ദ്​ ബി​ൻ സു​ൽ​ത്താ​ൻ ആ​ൽ ന​ഹ്​​യാ​ന്‍റെ നേ​തൃ​ത്വ​ത്തി​ലാ​ണ് അ​ബൂ​ദ​ബി, ദു​ബൈ, ഷാ​ർ​ജ, അ​ജ്മാ​ൻ, ഉ​മ്മു​ൽ​ഖു​വൈ​ൻ, ഫു​ജൈ​റ എ​ന്നീ ആ​റ് എ​മി​റേ​റ്റു​ക​ൾ ചേ​ർ​ന്ന് ഐ​ക്യ എ​മി​റേ​റ്റ് രൂ​പീ​ക​രി​ക്കു​ന്ന​ത്.

അ​ടു​ത്ത​വ​ർ​ഷം റാ​സ​ൽ​ഖൈ​മ എ​മി​റേ​റ്റും കൂ​ടി രാ​ജ്യ​ത്തി​ന്‍റെ ഭാ​ഗ​മാ​യി. യു.​എ.​ഇ​യു​ടെ ര​ണ്ടാ​മ​ത്​ പ്ര​സി​ഡ​ന്‍റ്​ ശൈ​ഖ് ഖ​ലീ​ഫ​യു​ടെ വി​യോ​ഗ​ത്തി​ന് പി​ന്നാ​ലെ ശൈ​ഖ് മു​ഹ​മ്മ​ദ് ബി​ൻ സാ​യി​ദ് ആ​ൽ ന​ഹ്​​യാ​ൻ പ്ര​സി​ഡ​ന്‍റാ​യി ചു​ത​മ​ല​യേ​റ്റ ശേ​ഷം ന​ട​ക്കു​ന്ന ആ​ദ്യ ദേ​ശീ​യ​ദി​നം എ​ന്ന പ്ര​ത്യേ​ക​ത​കൂ​ടി ഇ​ത്ത​വ​ണ​യു​ണ്ട്.