അജ്മാന്: ബലി പെരുന്നാള് പ്രമാണിച്ച് പ്രധാന വിപണികളില് അജ്മാന് സാമ്പത്തിക വികസന വകുപ്പ് പരിശോധന ശക്തമാക്കി. വിപണിയിലെ സ്ഥിരത, വിലക്കയറ്റം തടയൽ, ഉപഭോക്താക്കളുടെ സംരക്ഷണം, ചരക്കുകളുടെയും ഉൽപന്നങ്ങളുടെയും ലഭ്യത ഉറപ്പാക്കുക എന്നിവ ലക്ഷ്യമിട്ടാണ് നടപടി.
ബലി പെരുന്നാള് പ്രമാണിച്ച് കന്നുകാലി, പഴം-പച്ചക്കറി വിപണികളില് അധികൃതരുടെ ശക്തമായ ബോധവത്കരണവും പരിശോധനകളും നടക്കും. ഉപഭോക്തൃ സംരക്ഷണ നിയമത്തിന് അനുസൃതമായി വില പ്രസിദ്ധപ്പെടുത്തുന്നുണ്ടോയെന്നും ഉപഭോക്താവിന് ബില്ലുകള് ലഭ്യമാക്കുന്നുണ്ടോ എന്നും അധികൃതര് പരിശോധിക്കും. ഉപഭോക്താക്കള്ക്ക് പരാതികളുണ്ടെങ്കില് 80070 എന്ന നമ്പറില് ബന്ധപ്പെടാമെന്നും ഉപഭോക്തൃ സംരക്ഷണ വകുപ്പ് മേധാവി മഹെര് ബുത്തി അല് സുവൈദി പറഞ്ഞു. ഈദ് അവധിക്കാലത്ത് മുഴുവന് സമയവും പരാതികള് പരിശോധിക്കാന് ഉദ്യോഗസ്ഥ സംഘം ശ്രദ്ധിക്കുമെന്നും അദ്ദേഹം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.