ചെന്നൈ: തമിഴ്നാട്ടിൽ സി.ബി.ഐ പിടിച്ചെടുത്ത 103 കിലോ സ്വർണം കാണാനില്ല. 2012ൽ സ്വർണ കോർപറേഷൻ ലിമിറ്റഡ് എന്ന സ്ഥാപനത്തിൽ റെയ്ഡ് നടത്തി പിടിച്ചെടുത്തതായിരുന്നു ഇത്. അനധികൃതമായി സ്വർണ ഇടപാട് നടത്തിയിരുന്ന ഈ സ്ഥാപനത്തിൽ നിന്ന് 400 കിലോ സ്വർണമായിരുന്നു സി.ബി.ഐ പിടിച്ചെടുത്തിരുന്നത്. ഈ മുതലിൽ നിന്നാണ് 103 കിലോ കണാതായത്. 45 കോടിയിൽ പരം മൂല്യമുള്ളതാണ് കാണാതായ സ്വർണം.
മദ്രാസ് ഹൈകോടതി ഉത്തരവിനെ തുടർന്നാണ് പിടിച്ചെടുത്ത സ്വർണത്തിൻെറ അളവ് പരിശോധിച്ചത്.
ആറു മാസത്തിനുള്ളിൽ സംഭവം അന്വേഷിച്ച് കണ്ടെത്താൻ എസ്.പി റാങ്കിലുള്ള ഉദ്യോഗസ്ഥനെ കോടതി നിയമിച്ചു. പൊലീസുകാർ ഈ കേസ് അന്വേഷിച്ചാൽ തങ്ങളുടെ അന്തസിനെ ബാധിക്കുമെന്ന് സി.ബി.ഐ കോടതിയോട് അറിയിെച്ചങ്കിലും കോടതി കേട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.