അഹമ്മദാബാദ്: ഗുജറാത്തിലെ കോവിഡ് ആശുപത്രിയിലുണ്ടായ തീപിടിത്തത്തിൽ 18 പേർ മരിച്ചു. ശനിയാഴ്ച പുലർച്ചെ ബറൂച്ചിലാണ് തീപിടിത്തമുണ്ടായത്. ആശുപത്രിയിൽ ചികിത്സയിലുണ്ടായിരുന്ന 50ഓളം മറ്റ് രോഗികളെ രക്ഷിച്ചു.
കോവിഡ് വാർഡിൽ ചികിത്സയിലുണ്ടായിരുന്ന 12 പേരുടെ മരണമാണ് നിലവിൽ സ്ഥിരീകരിച്ചിരിക്കുന്നതെന്ന് എസ്.പി രാജേന്ദ്രസിൻഹ് ചുഡാസന അറിയിച്ചു. 50 പേരെ രക്ഷപ്പെടുത്തി. 18 പേർ വരെ മരിച്ചിട്ടുണ്ടെന്നാണ് സൂചനയെന്നും അദ്ദേഹം പറഞ്ഞു. ശനിയാഴ്ച പുലർച്ചെ ഒരു മണിയോടെയാണ് കോവിഡ് വാർഡ് സ്ഥിതി ചെയ്യുന്ന താഴത്തെ നിലയിൽ തീപിടത്തമുണ്ടായതെന്ന് ഫയർഫോഴ്സ് ഉദ്യോഗസ്ഥൻ ശൈലേഷ് സാൻസിയ പറഞ്ഞു.
തീപിടിത്തത്തിെൻറ കാരണം വ്യക്തമായിട്ടില്ല. ഒരു മണിക്കൂറനകം തന്നെ തീയണക്കാൻ സാധിച്ചിട്ടുണ്ട്. രോഗികളെ ഉടൻ തന്നെ മറ്റ് ആശുപത്രികളിലേക്ക് മാറ്റിയെന്നും അധികൃതർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.