ന്യൂഡൽഹി: 24 മണിക്കൂറിനിടെ രാജ്യത്ത് 1,73,790 പുതിയ കോവിഡ് കേസുകൾ റിപ്പോർട്ട് ചെയ്തു. 45 ദിവസത്തിനിടെയുള്ള ഏറ്റവും ചെറിയ പ്രതിദിന കണക്കാണിത്. ഈ മാസം ആദ്യം രാജ്യത്ത് ഒരു ദിവസം 4.14 ലക്ഷം പേർക്ക് വരെ രോഗം സ്ഥിരീകരിച്ചിരുന്നു.
രാജ്യത്തെ ടെസ്റ്റ് പോസിറ്റിവിറ്റി നിരക്ക് 8.36 ആയി കുറഞ്ഞു. അഞ്ച് ദിവസമായി ടി.പി.ആർ പത്തിൽ താഴെയാണെന്ന് കേന്ദ്ര ആരോഗ്യ മന്ത്രാലയം അറിയിച്ചു.
തമിഴ്നാട് (31,079), കർണാടക (22,823), കേരളം (22,318), മഹാരാഷ്ട്ര (20,740), ആന്ധ്രപ്രദേശ് (14,429) എന്നീ സംസ്ഥാനങ്ങളിലാണ് ഏറ്റവും കൂടുതൽ കേസുകൾ സ്ഥിരീകരിച്ചത്.
രാജ്യത്ത് നിലവിൽ ചികിത്സയിലുള്ളത് 22.28 ലക്ഷം ആളുകളാണ്. 2,84,601 പേരാണ് കഴിഞ്ഞ ദിവസം രോഗമുക്തി നേടിയത്. രോഗമുക്തി നിരക്ക് 90.80 ശതമാനമായി. 2,51,78,011 പേരാണ് രാജ്യത്ത് ഇതുവരെ കോവിഡിൽ നിന്ന് മുക്തി നേടിയത്.
24 മണിക്കൂറിനിടെ 3617 പേർ കോവിഡ് ബാധിച്ച് മരണത്തിന് കീഴടങ്ങി. രാജ്യത്ത് ഇതുവരെ 20.86 കോടി പേരെ വാക്സിനേഷന് വിധേയമാക്കി. ഈ വർഷം അവസാനത്തോടെ രാജ്യത്തെ മുഴുവൻ ആളുകളെയും വാക്സിനേഷന് വിധേയമാക്കുമെന്ന് കേന്ദ്ര സർക്കാർ അറിയിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.