ന്യൂഡൽഹി: മൊബൈൽ ഫോൺ മോഷ്ടിച്ചുവെന്ന് ആരോപിച്ച് യുവാക്കളെ നഗ്നരാക്കി റോഡിലൂടെ പരേഡ് നടത്തിയ അഞ്ചുപേർ അറസ്റ്റിൽ. മുംബൈ കണ്ടിവാലിയിലെ ലാൽജി പാഡയിലാണ് സംഭവം.
മൊബൈൽ ഫോൺ മോഷ്ടിച്ചുവെന്നാരോപിച്ച് ബുധനാഴ്ച രണ്ടു യുവാക്കളെ പിടികൂടി മർദ്ദിക്കുകയായിരുന്നു. തുടർന്ന് നഗ്നരാക്കി റോഡിലൂടെ ബാൻഡ് കൊട്ടി നടത്തിച്ചു. പരേഡ് മൊബൈൽ ഫോണിൽ പകർത്തുകയും സമൂഹമാധ്യമങ്ങളിലൂടെ പ്രചരിപ്പിക്കുകയുമായിരുന്നു. ഒമ്പതുപേർക്കെതിരെയാണ് കേസ്. ഇതിൽ അഞ്ചുപേരെ അറസ്റ്റ് ചെയ്തതായി പൊലീസ് പറഞ്ഞു.
വ്യാഴാഴ്ച അറസ്റ്റിലായ അഞ്ചുപേരെയും കോടതിയിൽ ഹാജരാക്കുകയും പൊലീസ് കസ്റ്റഡിയിൽ വാങ്ങുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.