ന്യൂഡൽഹി: രാജ്യത്തിനുനേരെയുള്ള തീവ്രവാദിയാക്രമണങ്ങൾക്ക് തക്കതായ മറുപടി നൽകുമെന്ന് കേന്ദ്ര ആഭ്യന്തര മന്ത്രി രാജ്നാഥ് സിങ്. പത്താൻകോട്ട് തീവ്രവാദിയാക്രമണത്തിൻെറ പശ്ചാത്തലത്തിലായിരുന്നു രാജ്നാഥ് സിങ്ങിൻെറ പ്രതികരണം.
ആക്രമണം നിർഭാഗ്യകരമാണ്. പാകിസ്താനുമായി നല്ല ബന്ധമാണ് ഇന്ത്യ ആഗ്രഹിക്കുന്നത്. എന്നാൽ ഇന്ത്യക്കെതിരെയുള്ള ഏതൊരാക്രമണത്തിനും ശക്തമായ തിരിച്ചടി ലഭിക്കും. ഊഷ്മളമായ ബന്ധമാണ് അയൽക്കാരുമായി ആഗ്രഹിക്കുന്നത്. അയൽക്കാരുമായി സമാധാനത്തിന് ശ്രമിക്കുമ്പോൾ തീവ്രവാദിയാക്രമണം ഉണ്ടായത് നിർഭാഗ്യകരമാണെന്നും രാജ്നാഥ് സിങ് കൂട്ടിച്ചേർത്തു.
തീവ്രവാദികൾക്കെതിരെ പോരാടിയ സുരക്ഷാ ഉദ്യോഗസ്ഥരെ രാജ്നാഥ് സിങ് അഭിനന്ദിച്ചു. സുരക്ഷാ ഉദ്യോഗസ്ഥരെ പറ്റി രാജ്യം അഭിമാനിക്കുന്നുവെന്നും മന്ത്രി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.