ഫാസിയാബാദ് (യു.പി): അയോധ്യയിലെ തര്‍ക്കസ്ഥലത്ത് രാമക്ഷേത്രം പണിയുന്ന കാര്യത്തില്‍ 500ഓളം എം.പിമാര്‍ സമ്മതം പ്രകടിപ്പിച്ചിട്ടുണ്ടെന്നും അതിനാല്‍ ഇതുസംബന്ധിച്ച് പാര്‍ലമെന്‍റ് ഉടന്‍ അനുകൂല തീരുമാനമെടുക്കണമെന്നും വിശ്വഹിന്ദു പരിഷത് ജോയന്‍റ് ജനറല്‍ സെക്രട്ടറി സുരേന്ദ്ര ജെയിന്‍. കോടതി ഉത്തരവിനായി ജനങ്ങള്‍ക്ക് കാത്തിരിക്കാനാകില്ല, രാമക്ഷേത്രനിര്‍മാണം ഉടന്‍ തുടങ്ങും; അദ്ദേഹം പറഞ്ഞു.
ചില എം.പിമാരുടെ നിക്ഷിപ്തതാല്‍പര്യം മൂലമാണ് തീരുമാനം നീളുന്നത്. കോടതിക്ക് പ്രശ്നത്തില്‍ തീരുമാനമെടക്കാനാകുന്നില്ളെങ്കില്‍ പാര്‍ലമെന്‍റ് ഇതുസംബന്ധിച്ച് ബില്‍ പാസാക്കുകയും അടുത്ത ലോകസഭാ തെരഞ്ഞെടുപ്പിനുമുമ്പ് ക്ഷേത്രനിര്‍മാണം തുടങ്ങുകയും വേണം -അദ്ദേഹം കൂട്ടിച്ചേര്‍ത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.