ജയ്പാല്‍ഗുഢി: ചായത്തോട്ടത്തില്‍നിന്ന് ആടിനെ മോഷ്ടിക്കാന്‍ ശ്രമിച്ചെന്നാരോപിച്ച് ആള്‍ക്കൂട്ടം യുവാവിനെ അടിച്ചുകൊന്നു. ഉത്തരബംഗാളിലെ ജയ്പാല്‍ഗുഢി ജില്ലയില്‍ ഞായറാഴ്ചയാണ് സംഭവം. മര്‍ദനമേറ്റ മറ്റൊരാളുടെ നില ഗുരുതരമാണ്. പോത്തിനെ മോഷ്ടിക്കാന്‍ ശ്രമിച്ചെന്നാരോപിച്ച് തെക്കന്‍ ബംഗാളില്‍ തിങ്കളാഴ്ച ഐ.ടി.ഐ വിദ്യാര്‍ഥിയെ ആള്‍ക്കൂട്ടം അടിച്ചുകൊന്നിരുന്നു. ഒരാഴ്ച കഴിയുംമുമ്പേയാണ് പുതിയ അക്രമം. ചായത്തോട്ടത്തില്‍നിന്ന് നാലാളുകള്‍ ചേര്‍ന്ന് ആടിനെ കാറില്‍കയറ്റി കൊണ്ടുപോകാന്‍ ശ്രമിക്കുന്നത് കണ്ടതായി നാട്ടുകാര്‍ പറഞ്ഞു. രണ്ടുപേര്‍ ഓടി രക്ഷപ്പെട്ടു. മറ്റ് രണ്ടുപേരെ പിടികൂടി മര്‍ദിക്കുകയായിരുന്നെന്ന് പൊലീസ് പറഞ്ഞു. മര്‍ദനത്തിനിരയായവര്‍ സഞ്ചരിച്ച കാര്‍ നാട്ടുകാര്‍ തീവെച്ച് നശിപ്പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.