ബിഹാർ നിയമസഭയിൽ മൂന്ന് പ്രതിപക്ഷ എം.എൽ.എമാർ ഭരണപക്ഷ ഇരിപ്പിടത്തിൽ

പട്ന: ബിഹാറിലെ പ്രതിപക്ഷമായ മഹാസഖ്യത്തിലെ മൂന്ന് എം.എൽ.എമാർ ജെ.ഡി.യു- ബി.ജെ.പി സഖ്യ ഭരണപക്ഷത്തിനൊപ്പം നിയമസഭയിലെ ഇരിപ്പിടത്തിൽ. ആർ.ജെ.ഡിയിലെ സംഗീത കുമാരി, കോൺഗ്രസിൽ നിന്നുള്ള മുരാരി ഗൗതം, സിദ്ധാർഥ് സൗരവ് എന്നിവരാണ് ഭരണപക്ഷത്തിന്റെ സീറ്റുകളിൽ ഇരുന്നത്.

ഉപമുഖ്യമന്ത്രിയും ബി.ജെ.പി സംസ്ഥാന അധ്യക്ഷനുമായ സാമ്രാട്ട് ചൗധരി​ക്കൊപ്പമാണ് ഈ എം.എൽ.എമാർ ഉച്ചക്ക് ശേഷമുള്ള സെഷനിൽ നിയമസഭയിലെത്തിയത്. ചൗധരിയാണ് ഇവർക്ക് ഇരിക്കാൻ നിർദേശം നൽകിയത്. 

ബി.​ജെ.​പി​ക്കും ജെ.​ഡി.​എ​സി​നും ക​ർ​ണാ​ട​ക​ത്തി​ൽ ഇ​രു​ട്ട​ടി

ക​ർ​ണാ​ട​ക​ത്തി​ൽ നാ​ലു സീ​റ്റി​ലേ​ക്ക്​ ന​ട​ന്ന മ​ത്സ​ര​ത്തി​ൽ അ​ജ​യ്​ മാ​ക്ക​ൻ, സ​യ്യി​ദ്​ നാ​സി​ർ ഹു​സൈ​ൻ, ജി.​സി. ച​ന്ദ്ര​ശേ​ഖ​ർ എ​ന്നീ കോ​ൺ​ഗ്ര​സ്​ സ്ഥാ​നാ​ർ​ഥി​ക​ളും ബി.​ജെ.​പി​യു​ടെ നാ​രാ​യ​ണ ഭാ​ഗ​ഡെ​യു​മാ​ണ്​ ജ​യി​ച്ച​ത്. ജെ.​ഡി.​എ​സി​ന്‍റെ കു​പേ​ന്ദ്ര റെ​ഡ്ഡി​യെ​ക്കൂ​ടി ബി.​ജെ.​പി-​ജെ.​ഡി.​എ​സ്​ സ​ഖ്യം സ്ഥാ​നാ​ർ​ഥി​യാ​ക്കി​യി​രു​ന്നു.

പ​ക്ഷേ, അ​ട്ടി​മ​റി പ്ര​തീ​ക്ഷ തെ​റ്റി. കോ​ൺ​ഗ്ര​സി​ന്​ ര​ണ്ട്​ സ്വ​ത​ന്ത്ര​രു​ടേ​ത​ട​ക്കം 136 എം.​എ​ൽ.​എ​മാ​രു​ടെ പി​ന്തു​ണ​യു​ണ്ട്. ബി.​ജെ.​പി​ക്ക്​ 66; ജെ.​ഡി.​എ​സി​ന്​ 19. എ​സ്.​ടി സോ​മ​​ശേ​ഖ​ർ എ​തി​ർ സ്ഥാ​നാ​ർ​ഥി​യെ പി​ന്തു​ണ​ക്കു​ക​യും ശി​വ​റാം ഹെ​ബ്ബ​ർ പാ​ർ​ട്ടി വി​പ്പ്​ ലം​ഘി​ച്ച്​ വോ​ട്ടെ​ടു​പ്പി​ൽ നി​ന്ന്​ വി​ട്ടു​നി​ൽ​ക്കു​ക​യും ചെ​യ്ത​ത്​ കു​പേ​ന്ദ്ര റെ​ഡ്ഡി​യെ​ക്കൂ​ടി ജ​യി​പ്പി​ക്കാ​മെ​ന്ന മോ​ഹം ത​ക​ർ​ത്തു. പ്ര​തി​പ​ക്ഷ പാ​ള​യ​ത്തി​ൽ എ​ന്തു സം​ഭ​വി​ച്ചു​വെ​ന്ന്​ അ​റി​യി​ല്ലെ​ന്നും സ്വ​ന്തം എം.​എ​ൽ.​എ​മാ​രു​ടെ പി​ന്തു​ണ ഉ​റ​പ്പാ​ക്കു​ന്ന​തി​ലാ​യി​രു​ന്നു ശ്ര​ദ്ധ​യെ​ന്നു​മാ​ണ്​ ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ പ്ര​തി​ക​രി​ച്ച​ത്.

എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ട്ട​ത്​ 41 പേ​ർ

രാ​ജ്യ​സ​ഭ തെ​ര​ഞ്ഞെ​ടു​പ്പി​ൽ മൂ​ന്നു സം​സ്ഥാ​ന​ങ്ങ​ളി​ലെ 15 സീ​റ്റു​ക​ളി​ലേ​ക്ക്​ മാ​ത്ര​മാ​യി​രു​ന്നു വോ​ട്ടെ​ടു​പ്പ്. വി​വി​ധ സം​സ്ഥാ​ന​ങ്ങ​ളി​ൽ നി​ന്നാ​യി 41 സ്​​ഥാ​നാ​ർ​ഥി​ക​ളെ എ​തി​രി​ല്ലാ​തെ തെ​ര​ഞ്ഞെ​ടു​ത്തു. കോ​ൺ​ഗ്ര​സ്​ നേ​താ​വ്​ ​സോ​ണി​യ ഗാ​ന്ധി രാ​ജ​സ്ഥാ​നി​ൽ​നി​ന്നും ബി.​ജെ.​പി അ​ധ്യ​ക്ഷ​ൻ ജെ.​പി. ന​ഡ്ഡ ഗു​ജ​റാ​ത്തി​ൽ നി​ന്നും എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ട്ടു. കേ​ന്ദ്ര​മ​ന്ത്രി അ​ശ്വി​നി വൈ​ഷ്ണ​വ്​ (ഒ​ഡി​ഷ), കോ​ൺ​ഗ്ര​സ്​ വി​ട്ട്​ ബി.​ജെ.​പി​യി​ലെ​ത്തി​യ മു​ൻ​മു​ഖ്യ​മ​ന്ത്രി അ​ശോ​ക്​ ച​വാ​ൻ (മ​ഹാ​രാ​ഷ്ട്ര) തു​ട​ങ്ങി​യ​വ​രും എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ട്ട​വ​രി​ൽ ഉ​ൾ​പ്പെ​ടു​ന്നു.

അഖിലേഷിന്‍റെ അത്താഴ വിരുന്നിൽ പ​ങ്കെടുക്കാതെ എം.എൽ.എമാർ

ന്യൂ​ഡ​ൽ​ഹി: എം.​എ​ൽ.​എ​മാ​രെ ഉ​റ​പ്പി​ച്ചു നി​ർ​ത്താ​ൻ വോ​ട്ടെ​ടു​പ്പി​നു ത​ലേ​ന്ന്​ സ​മാ​ജ്​​വാ​ദി പാ​ർ​ട്ടി അ​ധ്യ​ക്ഷ​ൻ അ​ഖി​ലേ​ഷ്​ യാ​ദ​വ്​ ഒ​രു​ക്കി​യ അ​ത്താ​ഴ​വി​രു​ന്നി​ൽ പ​​ങ്കെ​ടു​ക്കാ​തെ​യാ​ണ്​ ചീ​ഫ്​ വി​പ്പ്​ മ​നോ​ജ്​​കു​മാ​ർ പാ​ണ്​​ഡെ അ​ട​ക്കം എ​ട്ട്​ എം.​എ​ൽ.​എ​മാ​ർ ബി.​ജെ.​പി​​യെ സ​ഹാ​യി​ച്ച​ത്. ചൊ​വ്വാ​ഴ്ച രാ​വി​ലെ ചീ​ഫ്​ വി​പ്പ് രാ​ജി​ക്ക​ത്ത്​ കൈ​മാ​റി​യ​തോ​ടെ ചി​ത്രം വ്യ​ക്​​ത​മാ​യി. മൂ​ന്നാ​മ​ത്തെ സ്ഥാ​നാ​ർ​ഥി​യെ നി​ർ​ത്തി​യ​തു ത​ന്നെ ഒ​റി​ജി​ന​ൽ സ​ഹ​പ്ര​വ​ർ​ത്ത​ക​രെ തി​രി​ച്ച​റി​യാ​ൻ വേ​ണ്ടി​യാ​ണെ​ന്ന്​ വോ​ട്ടു​ചെ​യ്ത്​ ഇ​റ​ങ്ങു​മ്പോ​ൾ അ​ഖി​ലേ​ഷ്​ മാ​ധ്യ​മ പ്ര​വ​ർ​ത്ത​ക​രോ​ട്​ പ​റ​ഞ്ഞു. പു​റ​ത്താ​ക്ക​ൽ ന​ട​പ​ടി ഇ​വ​ർ നേ​രി​ടേ​ണ്ടി വ​രും. അ​തേ​സ​മ​യം, ലോ​ക്സ​ഭ തെ​ര​ഞ്ഞെ​ടു​പ്പു ഘ​ട്ട​ത്തി​ൽ ഇ​ത്ര​യും പേ​ർ ബി.​ജെ.​പി​യെ പി​ന്തു​ണ​ച്ച​ത്​ സ​മാ​ജ്​​വാ​ദി പാ​ർ​ട്ടി​ക്കും ഇ​ൻ​ഡ്യ സ​ഖ്യ​ത്തി​നും ആ​ഘാ​ത​മാ​ണ്.