മുംബൈ: നിർമാണം നടന്നുകൊണ്ടിരുന്ന കെട്ടിടത്തിൽ തീപിടുത്തമുണ്ടായി ആറുപേർ മരിച്ചു. 11പേർക്ക് പൊള്ളലേറ്റു. മുംബെയിെല ജുഹുവിൽ ബുധനാഴ്ച രാത്രി 10.10ഒാടെയാണ് സംഭവം. നിർമാണം നടക്കുന്ന കെട്ടിടത്തിെൻറ താഴെ നിലയിലാണ് തീപിടുത്തമുണ്ടായത്. പൊള്ളലേറ്റവർ ആശുപത്രിയിൽ ഗുരുതരാവസ്ഥയിൽ തുടരുകയാണ്.
കൈഫി ആസ്മി പാർക്കിലെ 13നില കെട്ടിടത്തിനാണ് തീപിടിച്ചത്. കെട്ടിടത്തിൽ നിർമാണ തൊഴിലാളികളായിരുന്നു കഴിഞ്ഞിരുന്നത്. മൂന്നു യൂണിറ്റ് ഫയർ ഫോഴ്സ് രംഗത്തെത്തി ഒരു മണിക്കൂറിനുള്ളിൽ തീ നിയന്ത്രണ വിധേയമാക്കി. കെട്ടിടത്തിലുണ്ടായിരുന്ന പാചക വാതക സിലിണ്ടറുകൾ പൊട്ടിത്തെറിച്ചതാണ് അപകടത്തിനിടയാക്കിയതെന്ന് കരുതുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.