ന്യൂഡൽഹി: കോവിഡ് രണ്ടാം തരംഗത്തിനിടെ 798 ഡോക്ടർമാർക്ക് ജീവൻ നഷ്ടമായെന്ന് ഇന്ത്യൻ മെഡിക്കൽ അസോസിയേഷൻ. 123 ഡോക്ടർമാർക്ക് ജീവൻ നഷ്ടമായ ഡൽഹിയാണ് പട്ടികയിൽ ഒന്നാമത്. ബിഹാറിൽ 115 പേർക്ക് ജീവൻ നഷ്ടമായി.
ഡെൽറ്റ പ്ലസ് വൈറസിന്‍റെ സാന്നിധ്യം കണ്ടെത്തിയ മഹാരാഷ്ട്രയിലും കേരളത്തിലും ഡോക്ടർമാരുടെ മരണം തുടരുകയാണ്. മഹാരാഷ്ട്രയിൽ 23 പേരും കേരളത്തിൽ 24 പേരും മരിച്ചു. പുതുച്ചേരിയിലാണ് ഏറ്റവും കുറവ് കോവിഡ് മരണം സ്ഥിരീകരിച്ചിരിക്കുന്നത്. ഒരു ഡോക്ടർ മാത്രമാണ് പുതുച്ചേരിയിൽ കോവിഡ് ബാധിച്ച് മരിച്ചത്.
ജൂൺ 25ന് 776 ഡോക്ടർമാർക്ക് ജീവൻ നഷ്ടമായെന്നാണ് ഐ.എം.എ അറിയിച്ചത്. അഞ്ച് ദിവസത്തിനുള്ളിൽ 22 ഡോക്ടർമാരാണ് രാജ്യത്ത് കോവിഡ് ബാധിച്ച് മരിച്ചത്. അതേസമയം കഴിഞ്ഞ ദിവസം രാജ്യത്തെ പ്രതിദിന കോവിഡ് ബാധിതരുടെ എണ്ണം 40,000ൽ താഴെയെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.