ഗുജറാത്തിലെ അഹമ്മദാബാദിൽ മദ്യലഹരിയിൽ വീട്ടിൽ അതിക്രമിച്ച കയറിയ യുവാവ് പീഡിപ്പിച്ചെന്ന പരാതിയുമായി യുവതി. സർദാർനഗർ മേഖലയിൽ വ്യാഴാഴ്ച രാത്രിയാണ് സംഭവം. സംഭവത്തിൽ കൽപേഷ് ഗുജ്ജാർ എന്നയാൾക്കെതിരെ ലൈംഗികാതിക്രമത്തിനും വീട്ടിലേക്ക് അതിക്രമിച്ച് കയറിയതിനും പൊലീസ് കേസ് രജിസ്റ്റർ ചെയതു.
34 കാരിയായ സ്ത്രീയാണ് പീഡനത്തിനിരയായത്. ഗുജ്ജർ യുവതിയുടെ വസതിക്ക് പുറത്തുനിന്ന പ്രതി ആളുകൾക്ക് നേരെ അസഭ്യം പറയുകയും ചെയ്തിരുന്നു. ഇതിൽ അമർഷം തോന്നിയ സത്രീ വീടിന് പുറത്തിറങ്ങുകയും ആരെയാണ് അധിക്ഷേപിക്കുന്നത് എന്ന് ചോദിക്കുകയും ചെയ്തു. ഇതിൽ പ്രകോപിതനായ പ്രതി സ്ത്രീയെ തള്ളിയിടുകയും വീട്ടിലേക്ക് അതിക്രമിച്ചു കയറുകയുമായിരുന്നു.
പരാതി നൽകുന്നതിനിടെ യുവതി തനിക്കുണ്ടായ ദുരനുഭവം പൊലീസ് ഉദ്ദ്യോഗസ്ഥരോട് പറയുകയും, പ്രതി തന്നെ പീഡിപ്പിച്ചതായി മൊഴി നൽകുകയും ചെയ്തു. ഭർത്താവിനെയും പോലീസിനെയും വിളിച്ച് വിവരമറിയിച്ചുവെങ്കിലും പോലീസ് എത്തിയപ്പോഴേക്കും പ്രതി സംഭവസ്ഥലത്ത് നിന്ന് രക്ഷപ്പെടുകയായിരുന്നുവെന്നും സ്ത്രീ പറഞ്ഞു.
അതേ ദിവസം വൈകുന്നേരം പ്രതി വീണ്ടും ആക്രമണവുമായെത്തി. സുഹൃത്തിനൊപ്പം സംസാരിക്കുകയായിരുന്ന സ്ത്രീയുടെ ഭർത്താവിനെ പ്രതി മർദ്ദിച്ചു. കേസ് പിൻവലിച്ചില്ലെങ്കിൽ ഗുരുതരമായ പ്രത്യാഘാതങ്ങൾ നേരിടേണ്ടിവരുമെന്ന് മുന്നറിയിപ്പ് നൽകുകയും കൊലപ്പെടുത്തുമെന്ന് ഭീഷണിപ്പെടുത്തുകയും ചെയ്തതായും പരാതിയിൽ പറയുന്നു. ഇന്ത്യൻ ശിക്ഷാ നിയമത്തിലെ 354, 452, 294 (ബി), 506 (2) എന്നീ വകുപ്പുകൾ പ്രകാരം കേസ് രജിസ്റ്റർ ചെയ്തതായി പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.