ന്യൂഡൽഹി: ഡൽഹി കോൺഗ്രസിെൻറ അധ്യക്ഷ സ്ഥാനം അജയ് മാക്കാൻ രാജിവെച്ചു. രാഹുൽ ഗാന്ധി രാജി സ്വീകരിച്ചതായാണ് സൂചന. നാലു വർഷം മുമ്പാണ് ഡൽഹി കോൺഗ്രസിെൻറ അധ്യക്ഷ സ്ഥാനം അജയ് മാക്കാൻ ഏറ്റെടുത്തത്. ആരോഗ്യ പ്രശ്നങ്ങൾ മൂലമാണ് രാജിയെന്നാണ് സൂചന.
എന്നാൽ കേന്ദ്ര നേതൃത്വത്തിലേക്ക് കൊണ്ടു വരാനോ ലോക്സഭാ തെരഞ്ഞെടുപ്പിൽ മത്സരിക്കാനോ വേണ്ടിയുള്ള മാറ്റമാണിതെന്നുമുള്ള വിവരങ്ങളും പുറത്തു വരുന്നുണ്ട്. അരവിന്ദ് സിങ് ലവ്ലിക്കാണ് പകരം ചുമതല നൽകിയത്.
കഴിഞ്ഞ ദിവസം രാത്രി രാഹുലിനെ കണ്ട ശേഷമാണ് മാക്കാൻ രാജി വിവരം ട്വീറ്റിലൂടെ പ്രഖ്യാപിച്ചത്. മൂന്നു മാസം മുമ്പും അജയ് മാക്കാൻ രാജി സമർപ്പിച്ചിരുന്നെങ്കിലും അന്ന് കോൺഗ്രസ് അത് നിരാകരിക്കുകയായിരുന്നു. മാക്കാൻ താത്കാലികമായി മാത്രം പിൻവാങ്ങുകയാണെന്നായിരുന്നു അന്ന് കോൺഗ്രസ് വ്യക്തമാക്കിയത്. ആരോഗ്യ പ്രശ്നം മൂലം വിദേശത്ത് ചികിത്സയിലായിരുന്നപ്പോഴാണ് ആദ്യം രാജി സമർപ്പിച്ചത്. അന്ന് പി.സി ചാക്കോയാണ് താത്കാലിക ചുമതല വഹിച്ചിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.