ന്യൂഡൽഹി: കോവിഡിനെ പ്രതിരോധിക്കാൻ എല്ലാ സംസ്ഥാനങ്ങളും ബാധ്യസ്ഥരാണെന്ന് ഡൽഹി മുഖ്യമന്ത്രി അരവിന്ദ് കെജ്രിവാൾ. കൻവാർ യാത്രക്ക് യു.പി സർക്കാർ അനുമതി നൽകിയതിന് പിന്നാലെയാണ് കെജ്രിവാളിന്‍റെ പ്രതികരണം. കൻവാർ യാത്രയിൽ ഉത്തരാഖണ്ഡ് മുഖ്യമന്ത്രിയും പ്രതികരണം അറിയിച്ചിരുന്നു.
ജനങ്ങളുടെ ജീവൻ സംരക്ഷിക്കുന്നതിനാണ് പ്രാഥമിക പരിഗണന നൽകുന്നതെന്ന് ഉത്തരാഖണ്ഡ് മുഖ്യമന്ത്രി പുഷ്കർ സിങ് ധാമി പറഞ്ഞിരുന്നു. കോവിഡ് ഭീഷണിക്കിടയിലും കൻവാർ യാത്രക്ക് അനുമതി നൽകാനുള്ള തീരുമാനം വലിയ വിവാദങ്ങൾക്ക് കാരണമായിരുന്നു.
ഇക്കാര്യത്തിൽ സുപ്രീംകോടതി സ്വമേധയ കേസെടുക്കുകയും യു.പി സർക്കാറിനോട് വിശദീകരണം തേടുകയും ചെയ്തിരുന്നു. ജൂലൈ 25നാണ് കൻവാർ യാത്ര ആരംഭിക്കുന്നത്. പശ്ചിമ യു.പിയിലെ പുണ്യസ്ഥലങ്ങളിൽ നിന്ന് ഗംഗാ ജലം ശേഖരിക്കുന്നതിനാണ് ആളുകളെത്തുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.