ഹൈദരാബാദ്: ആന്ധ്രാപ്രദേശിലെ കുർനൂളിൽ പ്രണയാഭ്യര്‍ത്ഥന നിരസിച്ചതിന് അധ്യാപകൻ ഒമ്പതാംക്ലാസ് വിദ്യാർഥിയുടെ കഴുത്ത് മുറിച്ചു. ശനിയാഴ്ച രാവിലെ പെൺകുട്ടിയുടെ വീട്ടിലെത്തിയ അധ്യാപകൻ േബ്ലഡ് കൊണ്ട് കഴുത്ത് മുറിക്കുകയായിരുന്നു. ആശുപത്രിയിൽ പ്രവേശിപ്പിച്ച പെൺകുട്ടിയുടെ നില ഗുരുതരമാണ്.
കുർനൂൾ ജില്ലയിലെ ബൻഗാരപേറ്റ റോക്ക്വെൽ ഹൈസ്കൂളിൽ ഹിന്ദി അധ്യാപകനായ ശങ്കറാണ് പെൺകുട്ടിയെ കൊലപ്പെടുത്താൻ ശ്രമിച്ചത്. സംഭവത്തിനു ശേഷം ശങ്കറും കഴുത്ത് മുറിച്ച് ആത്മഹത്യക്ക് ശ്രമിച്ചു.
ശങ്കർ എത്തിയപ്പോൾ പെൺകുട്ടി വീട്ടിൽ തനിച്ചായിരുന്നു. പെൺകുട്ടിയുടെ കരച്ചിൽ കേട്ട് എത്തിയ നാട്ടുകാർ ശങ്കറിനെ പിടികൂടി മർദിച്ചു. പൊലീസ് എത്തിയാണ് ഇയാളെ ആശുപത്രിയിൽ എത്തിച്ചത്.
അധ്യാപകൻ മോശമായി പെരുമാറിയെന്നും പ്രണയാഭ്യർത്ഥന നടത്തിയെന്നും പെൺകുട്ടി നേരത്തെ മാതാവിനെ അറിയിച്ചിരുന്നു. സംഭവത്തിൽ മാതാവ് അധ്യാപകനെ താക്കീത് ചെയ്തിരുന്നതായും കുടുംബാംഗങ്ങൾ പറഞ്ഞു.
സംഭവത്തിൽ ശങ്കറിനെ സസ്പെൻഡ് ചെയ്തതായും അന്വേഷണത്തിന് ഉത്തരവിട്ടതായും ആന്ധ്രപ്രദേശ് വിദ്യാഭ്യാസ വകുപ്പ് മന്ത്രി ശ്രീനിവാസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.