പൗ​ര​ത്വ പ്രക്ഷോഭകരെ വെടിവെച്ചുകൊന്ന സംഭവം: മജിസ്ട്രേറ്റ് തല അന്വേഷണം പൂർത്തിയായി

ബം​ഗ​ളൂ​രു: പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​രാ​യ പ്ര​തി​ഷേ​ധ​ത്തി​നി​ടെ മം​ഗ​ളൂ​രു​വി​ൽ പൊ​ലീ​സ് വെ​ടി​വെ​പ്പി​ൽ ര​ണ്ടു​പേ​ർ കൊ​ല്ല​പ്പെ​ട്ട സം​ഭ​വ​ത്തി​ൽ ന​ട​ത്തി​വ​ന്ന മ​ജി​സ്ട്രേ​റ്റ് ത​ല അ​ന്വേ​ഷ​ണം പൂ​ർ​ത്തി​യാ​യി. സെ​പ്റ്റം​ബ​ർ 20നു​ള്ളി​ൽ അ​ന്തി​മ റി​പ്പോ​ർ​ട്ട് സ​ർ​ക്കാ​റി​ന് സ​മ​ർ​പ്പി​ക്കു​മെ​ന്ന് അ​ന്വേ​ഷ​ണം ന​ട​ത്തി​യ ഉ​ഡു​പ്പി ജി​ല്ല മ​ജി​സ്ട്രേ​റ്റും ജി​ല്ല ഡെ​പ്യൂ​ട്ടി ക​മീ​ഷ​ണ​റു​മാ​യ ജി. ​ജ​ഗ​ദീ​ശ പ​റ​ഞ്ഞു.

തെ​ളി​വെ​ടു​പ്പി​നെ​ത്തി​യ​വ​ർ ഹാ​ജ​രാ​ക്കി​യ രേ​ഖ​ക​ൾ, ഫോ​ട്ടോ​ക​ൾ, വി​ഡി​യോ​ക​ൾ തു​ട​ങ്ങി​യ​വ​യെ​ല്ലാം വി​ശ​ദ​മാ​യി പ​രി​ശോ​ധി​ച്ച​ശേ​ഷ​മാ​യി​രി​ക്കും റി​പ്പോ​ർ​ട്ട് ത​യാ​റാ​ക്കു​ക​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ഉ​ദ്യോ​ഗ​സ്ഥ​രും പൊ​തു​ജ​ന​ങ്ങ​ളും കൊ​ല്ല​പ്പെ​ട്ട​വ​രു​ടെ ബ​ന്ധു​ക്ക​ളും ഉ​ൾ​പ്പെ​ടെ ആ​കെ 416 പേ​രാ​ണ് ക​മീ​ഷ​ൻ മു​മ്പാ​കെ ഹാ​ജ​രാ​യ​ത്.

അ​ന്ന​ത്തെ മം​ഗ​ളൂ​രു ജി​ല്ല െഡ​പ്യൂ​ട്ടി ക​മീ​ഷ​ണ​ർ സി​ന്ധു ബി. ​രൂ​പേ​ഷ്, പൊ​ലീ​സ് ക​മീ​ഷ​ണ​ർ​ക്കു​വേ​ണ്ടി ഡെ​പ്യൂ​ട്ടി പൊ​ലീ​സ് ക​മീ​ഷ​ണ​ർ എ​ന്നി​വ​രു​ടെ അ​ന്തി​മ മൊ​ഴി​ക​ളും 13 പൊ​ലീ​സു​കാ​രു​ടെ​യും പൊ​തു​ജ​ന​ങ്ങ​ളി​ൽ നി​ന്നു​ള്ള 45 പേ​രു​ടെ​യും മൊ​ഴി​ക​ളു​മാ​ണ് തെ​ളി​വെ​ടു​പ്പിെൻറ അ​വ​സാ​ന ദി​വ​സ​മാ​യ ചൊ​വ്വാ​ഴ്ച രേ​ഖ​പ്പെ​ടു​ത്തി​യ​ത്. സി​ന്ധു ബി. ​രൂ​പേ​ഷ് വി​ഡി​യോ കോ​ൺ​ഫ​റ​ൻ​സി​ങ് വ​ഴി മൊ​ഴി ന​ൽ​കി. കൊ​ല്ല​പ്പെ​ട്ട​വ​രു​ടെ ഫോ​റ​ൻ​സി​ക് പ​രി​ശോ​ധ​ന ന​ട​ത്തി​യ ഡോ​ക്ട​ർ​മാ​രും മൊ​ഴി ന​ൽ​കി.

2019 ഡി​സം​ബ​ർ 19ന്​ ​പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​രെ മം​ഗ​ളൂ​രു​വി​ൽ ന​ട​ന്ന പ്ര​തി​ഷേ​ധ​ത്തി​നി​ടെ​യു​ണ്ടാ​യ പൊ​ലീ​സ് വെ​ടി​വെ​പ്പി​ലാ​ണ്​ നൗ​ഷീ​ൻ, ജ​ലീ​ൽ എ​ന്നി​വ​ർ കൊ​ല്ല​പ്പെ​ട്ട​ത്. തു​ട​ർ​ന്ന് മ​ജി​സ്‌​ട്രേ​റ്റ്ത​ല അ​ന്വേ​ഷ​ണ​ത്തി​നാ​യി സ​ർ​ക്കാ​ർ ഉ​ഡു​പ്പി ഡി.​സി​യെ നി​യോ​ഗി​ച്ചു.

2020 ജ​നു​വ​രി ഏ​ഴി​നാ​ണ് ആ​ദ്യ സി​റ്റി​ങ് ന​ട​ത്തി​യ​ത്. മാ​ർ​ച്ച് 23നു​മു​മ്പ് റി​പ്പോ​ർ​ട്ട് ന​ൽ​കാ​നാ​യി​രു​ന്നു നി​ർ​ദേ​ശ​മെ​ങ്കി​ലും ലോ​ക്ഡൗ​ണി​നെ​ത്തു​ട​ർ​ന്ന് തെ​ളി​വെ​ടു​പ്പ് നീ​ണ്ട​തോ​ടെ സ​മ​യം നീ​ട്ടി​ന​ൽ​കു​ക​യാ​യി​രു​ന്നു.