ന്യൂഡൽഹി: കോവിഡ് ലക്ഷണങ്ങൾ കണ്ടെത്തിയതിനെ തുടർന്ന് മുഖ്യമന്ത്രി അരവിന്ദ് കെജ്രിവാളിനെ പരിശോധനക്ക് വിധേയനാക്കും. ഞായറാഴ്ചയാണ് കെജ്രിവാളിന് പനിയും ചുമയും തൊണ്ടവേദനയും അനുഭവപ്പെട്ടത്.
ഞായറാഴ്ച വൈകിട്ട് കെജ്രിവാൾ ഓൺലൈനായി വാർത്ത സമ്മേളനം നടത്തിയിരുന്നു. തുടർന്ന് രോഗലക്ഷണങ്ങൾ കണ്ടതിനെ തുടർന്ന് വൈകിട്ട് നടത്താനിരുന്ന മറ്റു യോഗങ്ങളെല്ലാം റദ്ദാക്കിയിരുന്നു. കോവിഡ് ലക്ഷങ്ങളുള്ളതിനാൽ ഇദ്ദേഹം സ്വയം നിരീക്ഷണത്തിൽ പ്രവേശിച്ചു.
രാജ്യത്ത് ഏറ്റവും കൂടുതൽ രോഗബാധിതരുള്ള മൂന്നാമത്തെ സംസ്ഥാനം ഡൽഹിയാണ്. 28,936 േപർക്കാണ് ഇതുവരെ കോവിഡ് സ്ഥിരീകരിച്ചത്. 812 പേർ മരിക്കുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.