ന്യൂഡൽഹി: ഓസ്‌ട്രേലിയൻ പ്രധാനമന്ത്രി സ്‌കോട്ട് മോറിസണുമായി പ്രധാനമന്ത്രി നരേന്ദ്ര മോദി തിങ്കളാഴ്ച നടത്തുന്ന വെർച്വൽ ഉച്ചകോടിക്ക് മുന്നോടിയായി 29 പുരാവസ്തുക്കൾ ഇന്ത്യക്ക് കൈമാറി ഓസ്‌ട്രേലിയ. വിവിധ രാജ്യങ്ങളിലായി വ്യാപിച്ചുകിടക്കുന്ന ഇന്ത്യയുടെ പുരാവസ്തുക്കൾ തിരിച്ചുപിടിക്കുന്നതിന് ഈ ശ്രമങ്ങൾ തുടക്കമിടുമെന്നാണ് കരുതുന്നത്.
മഹാശിവ, മഹാവിഷ്ണുവും വിവിധ രൂപങ്ങളും, ജൈന പാരമ്പര്യങ്ങൾ, ഛായാചിത്രങ്ങൾ, അലങ്കാര വസ്തുക്കൾ തുടങ്ങിയ വിവിധ പുരാവസ്തുക്കളെ ഇന്ത്യക്ക് കൈമാറിയിരിക്കുന്നത്. ഒമ്പത്, പത്ത് നുറ്റാണ്ടുകളിലെ പുരാവസ്തുക്കൾ വരെ കൈമാറിയവയിലുണ്ട്.
ചരൽക്കല്ല്, മാർബിൾ, വെങ്കലം, പിച്ചള തുടങ്ങിയവ ഉപയോഗിച്ചാണ് പ്രധാനമായും ഈ പുരാവസ്തുക്കൾ നിർമ്മിച്ചിരിക്കുന്നത്. ശിൽപങ്ങളും പെയിന്റിംഗുകളും ഉൾപ്പെടുന്ന ഇവ രാജസ്ഥാൻ, ഗുജറാത്ത്, മധ്യപ്രദേശ്, ഉത്തർപ്രദേശ്, തമിഴ്നാട്, തെലങ്കാന, പശ്ചിമ ബംഗാൾ തുടങ്ങിയ ഇന്ത്യയിലെ വിവിധ സ്ഥലങ്ങളിൽ നിർമ്മിക്കപ്പെട്ടവയാണ്. ഓസ്‌ട്രേലിയ തിരിച്ചുനൽകിയ പുരാവസ്തുക്കൾ പ്രധാനമന്ത്രി നരേന്ദ്ര മോദി പരിശോധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.