മണിപ്പൂരിൽ ക​ണ്ണീ​രൊ​പ്പി രാ​ഹു​ൽ; രാജി നാടകവുമായി ബിരേൻ സിങ്ങ്

ഇം​ഫാ​ൽ: ക​ലാ​പ​ബാ​ധി​ത മേ​ഖ​ല​ക​ളി​ൽ രാ​ഹു​ൽ ഗാ​ന്ധി​യു​ടെ സ​ന്ദ​ർ​ശ​നം എ​ല്ലാ വി​ഭാ​ഗം ജ​ന​ങ്ങ​ളും ഏ​റ്റെ​ടു​ത്ത​തി​ന്റെ ക്ഷീ​ണം മ​റി​ക​ട​ക്കാ​നെ​ന്ന​വ​ണ്ണം മ​ണി​പ്പൂ​രി​ൽ മു​ഖ്യ​മ​ന്ത്രി​യു​ടെ രാ​ജി​നാ​ട​കം. രാ​ജി​വെ​ക്കു​ക​യാ​​ണെ​ന്ന് വെ​ള്ളി​യാ​ഴ്ച പ്ര​ഖ്യാ​പി​ച്ച മു​ഖ്യ​മ​ന്ത്രി ബി​രേ​ൻ സി​ങ്, അ​നു​യാ​യി​ക​ൾ അ​നു​വ​ദി​ക്കാ​ത്ത​തു​കൊ​ണ്ട് രാ​ജി​യി​ൽ നി​ന്ന് പി​ൻ​വാ​ങ്ങു​ക​യാ​ണെ​ന്ന് മ​ണി​ക്കൂ​റു​ക​ൾ​ക്ക​കം പ്ര​സ്താ​വ​ന​യി​റ​ക്കി.

രാ​ജി​ക്ക​ത്തെ​ഴു​തി, ചൊ​വ്വാ​ഴ്ച രാ​ജ്ഭ​വ​നി​ലേ​ക്ക് പോ​കാ​നൊ​രു​ങ്ങി​യ ബി​രേ​ൻ സി​ങ്ങി​ന്റെ വാ​ഹ​ന​വ്യൂ​ഹം നൂ​റു​ക​ണ​ക്കി​ന് വ​നി​ത അ​നു​യാ​യി​ക​ൾ ത​ട​ഞ്ഞ​ത് നാ​ട​കീ​യ രം​ഗ​ങ്ങ​ൾ സൃ​ഷ്ടി​ച്ചു. ഒ​ടു​വി​ൽ, താ​ൻ രാ​ജി​വെ​ക്കി​ല്ലെ​ന്ന് അ​നു​യാ​യി​ക​ൾ​ക്ക് മു​ഖ്യ​മ​ന്ത്രി വാ​ക്ക് കൊ​ടു​ത്ത​തോ​ടെ​യാ​ണ് ഇ​വ​ർ പി​രി​ഞ്ഞു​പോ​യ​തെ​ന്ന് ദേ​ശീ​യ മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു. അ​നു​യാ​യി​ക​ൾ രാ​ജി​ക്ക​ത്ത് കീ​റി​ക്ക​ള​ഞ്ഞു​വ​​​ത്രേ.

വ്യാ​ഴാ​ഴ്ച വീ​ണ്ടും അ​ക്ര​മം പൊ​ട്ടി​പ്പു​റ​പ്പെ​ടു​ക​യും മൂ​ന്നു​പേ​ർ കൊ​ല്ല​പ്പെ​ടു​ക​യും ചെ​യ്ത​തി​നു പി​റ​കെ​യാ​ണ്, മു​ഖ്യ​മ​ന്ത്രി രാ​ജി​വെ​ക്കു​മെ​ന്ന അ​ഭ്യൂ​ഹം പ​ര​ന്ന​ത്. തു​ട​ർ​ന്നാ​ണ് അ​നു​യാ​യി​ക​ൾ അ​ദ്ദേ​ഹ​ത്തി​ന്റെ വ​സ​തി​ക്കു ചു​റ്റും നി​ല​യു​റ​പ്പി​ച്ച​ത്.

ക​ലാ​പ​ത്തി​ന് ശ​മ​ന​മി​ല്ലാ​ത്ത സം​സ്ഥാ​ന​ത്ത് വ്യാ​ഴാ​ഴ്ച സ​ന്ദ​ർ​ശ​ന​ത്തി​നെ​ത്തി​യ രാ​ഹു​ൽ ഗാ​ന്ധി​ക്ക്, പ​ര​സ്പ​രം സം​ഘ​ർ​ഷ​ത്തി​ലു​ള്ള മെ​യ്തേ​യി വി​ഭാ​ഗ​ത്തി​ന്റെ​യും കു​ക്കി വി​ഭാ​ഗ​ത്തി​ന്റെ​യും മേ​ഖ​ല​ക​ളി​ൽ മി​ക​ച്ച സ്വീ​ക​ര​ണ​മാ​ണ് ല​ഭി​ച്ച​ത്. ഇം​ഫാ​ലി​ലെ​ത്തി​യ രാ​ഹു​ൽ ദു​രി​താ​ശ്വാ​സ ക്യാ​മ്പു​ക​ൾ സ​ന്ദ​ർ​ശി​ക്കാ​ൻ പു​റ​പ്പെ​ട​വെ സം​സ്ഥാ​ന സ​ർ​ക്കാ​ർ ത​ട​ഞ്ഞ് തി​രി​ച്ച​യ​ക്കു​ക​യു​ണ്ടാ​യി.

സു​ര​ക്ഷ​കാ​ര​ണ​ങ്ങ​ൾ ചൂ​ണ്ടി​ക്കാ​ട്ടി​യാ​ണ് ത​ട​ഞ്ഞ​ത്. ഇ​തേ​തു​ട​ർ​ന്ന് നൂ​റു​ക​ണ​ക്കി​നാ​ളു​ക​ൾ പ്ര​തി​ഷേ​ധ​വു​മാ​യി രം​ഗ​ത്തു​വ​ന്നു. ഒ​ടു​വി​ൽ രാ​ഹു​ലും സം​ഘ​വും ഹെ​ലി​കോ​പ്ട​റി​ലാണ് കു​ക്കി ​മേ​ഖ​ല​യി​ലെ ദു​രി​താ​ശ്വാ​സ ക്യാ​മ്പു​ക​ളി​ലെ​ത്തിയത്. വെ​ള്ളി​യാ​ഴ്ച മെ​യ്തേ​യി മേ​ഖ​ല​ക​ളും രാഹുൽ സ​ന്ദ​ർ​ശി​ച്ചു. രാ​ഹു​ലി​ന്റെ സന്ദർശനം തി​രി​ച്ച​ടി​യാ​വു​മെ​ന്ന ആ​ശ​ങ്ക​യി​ൽ കേ​ന്ദ്ര ബി.​ജെ.​പി നേ​തൃ​ത്വം ത​ന്നെ വി​മ​ർ​ശ​ന​വു​മാ​യി ഇ​ന്ന​ലെ രം​ഗ​ത്തു​വ​ന്നു.

രാ​ഹു​ൽ വ​ന്ന​ത് കാ​ര​ണം വീ​ണ്ടും അ​ക്ര​മ​ങ്ങ​ളു​​ണ്ടാ​യെ​ന്ന് ബി.​ജെ.​പി കേ​ന്ദ്ര​ങ്ങ​ൾ വി​മ​ർ​ശി​ച്ചു​വെ​ങ്കി​ലും കോ​ൺ​ഗ്ര​സും തി​രി​ച്ച​ടി​ച്ചു. ഡ​ൽ​ഹി​യി​ലെ ഏ​കാ​ധി​പ​തി​ക്ക് ആ​ശ​ങ്ക കൂ​ടി​യ​തു​കൊ​ണ്ടാ​ണ്, അ​ദ്ദേ​ഹ​ത്തി​ന്റെ നി​ർ​ദേ​ശ​പ്ര​കാ​രം രാ​ഹു​ലി​നെ ത​ട​ഞ്ഞ​തെ​ന്ന് കോ​ൺ​ഗ്ര​സ് ആ​രോ​പി​ച്ചു. പ്ര​തി​പ​ക്ഷ നേ​താ​വി​നെ ത​ട​ഞ്ഞ​ത് തെ​റ്റാ​യ ന​ട​പ​ടി​യാ​ണെ​ന്ന് ആം ​ആ​ദ്മി പാ​ർ​ട്ടി​ അഭിപ്രായപ്പെട്ടു. മ​ണി​പ്പൂ​ർ ഗ​വ​ർ​ണ​ർ അ​ന​സൂ​യ ഉ​യ്കി​യെ രാ​ഹു​ൽ സ​ന്ദ​ർ​ശി​ച്ചു. കൂ​ടാ​തെ വി​വി​ധ പൗ​ര​പ്ര​മു​ഖ​രു​മാ​യും കൂ​ടി​ക്കാ​ഴ്ച ന​ട​ത്തി. മ​ണി​പ്പൂ​രി​ലെ സം​ഭ​വ​വി​കാ​സ​ങ്ങ​ൾ രാ​ജ്യ​ത്തി​നു ത​ന്നെ ദു​ര​ന്ത​മാ​യി​രി​ക്കു​ക​യാ​​ണെ​ന്ന് പ​റ​ഞ്ഞ രാ​ഹു​ൽ, അ​ക്ര​മം ഒ​ന്നി​നും പ​രി​ഹാ​ര​മ​ല്ലെ​ന്നും ചൂ​ണ്ടി​ക്കാ​ട്ടി. ‘‘സ​മാ​ധാ​ന​മാ​ണ് മു​ന്നോ​ട്ടു​പോ​കാ​നു​ള്ള വ​ഴി. സ​മാ​ധാ​നം തി​രി​​കെ ​കൊ​ണ്ടു​വ​രാ​ൻ എ​ന്തു സ​ഹാ​യം ന​ൽ​കാ​നും ത​യാ​റാ​ണ്’’ -ഗ​വ​ർ​ണ​റെ സ​​ന്ദ​ർ​ശി​ച്ച ശേ​ഷം രാ​ഹു​ൽ മാ​ധ്യ​മ​ങ്ങ​ളോ​ട് പ​റ​ഞ്ഞു. ക്യാ​മ്പു​ക​ളി​ൽ അ​ടി​സ്ഥാ​ന സൗ​ക​ര്യ​ങ്ങ​ൾ​ക്ക് ക്ഷാ​മ​മു​ണ്ടെ​ന്നു പ​റ​ഞ്ഞ അ​​ദ്ദേ​ഹം, ഇ​ക്കാ​ര്യം സം​സ്ഥാ​ന സ​ർ​ക്കാ​റി​ന്റെ ശ്ര​ദ്ധ​യി​ൽ​പെ​ടു​ത്തു​​മെ​ന്നും കൂ​ട്ടി​ച്ചേ​ർ​ത്തു. വ്യാ​ഴാ​ഴ്ച സു​ര​ക്ഷ​സേ​ന​യും ആ​യു​ധ​ധാ​രി​ക​ളും ത​മ്മി​ലു​ണ്ടാ​യ ​വെ​ടി​വെ​പ്പി​ലാണ് ഒ​രു പൊ​ലീ​സു​കാ​ര​ന​ട​ക്കം മൂ​ന്നു​പേ​ർ കൊ​ല്ല​പ്പെ​ട്ടത്. മെ​യ്തേ​യി വി​ഭാ​ഗ​ക്കാ​രാ​ണ് ​മ​രി​ച്ച​ത്.