ബി.​ജെ.​പി​യും ആ​ർ.​എ​സ്.​എ​സും വി​ദ്വേ​ഷം പ്ര​ച​രി​പ്പി​ക്കു​ന്നു -രാ​ഹു​ൽ ഗാ​ന്ധി

ന്യൂ​ഡ​ൽ​ഹി: ബി.​​ജെ.​പി​യും ആ​ർ.​എ​സ്.​എ​സും രാ​ജ്യ​ത്ത് വി​ദ്വേ​ഷം പ്ര​ച​രി​പ്പി​ക്കു​ക​യാ​ണെ​ന്ന് കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി ആ​രോ​പി​ച്ചു. ക​ർ​ണാ​ട​ക​യി​ൽ​നി​ന്ന് ഞാ​യ​റാ​ഴ്ച രാ​വി​ലെ തെ​ല​ങ്കാ​ന​യി​ൽ പ്ര​വേ​ശി​ച്ച ഭാ​ര​ത് ജോ​ഡോ യാ​ത്ര​ക്ക് ല​ഭി​ച്ച സ്വീ​ക​ര​ണ​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ര​ണ്ട് 'ഇ​ന്ത്യ'​യാ​ണ് ഇ​പ്പോ​ൾ നി​ല​വി​ലു​ള്ള​ത്. അ​തി​ൽ ഒ​രു ഭാ​ഗ​ത്ത് തെ​ര​ഞ്ഞെ​ടു​ക്ക​പ്പെ​ട്ട ചു​രു​ക്കം ചി​ല​രും സ​മ്പ​ന്ന​രു​മാ​ണ്. മ​റു​ഭാ​ഗ​ത്ത് ല​ക്ഷ​ക്ക​ണ​ക്കി​ന് വ​രു​ന്ന യു​വാ​ക്ക​ൾ, ക​ർ​ഷ​ക​ർ, തൊ​ഴി​ലാ​ളി​ക​ൾ, ചെ​റു​കി​ട വ്യാ​പാ​രി​ക​ൾ എ​ന്നി​വ​രും. ന​മു​ക്ക് ര​ണ്ട് ഇ​ന്ത്യ വേ​ണ്ട. ഒ​ന്നു മ​തി. എ​ല്ലാ​വ​ർ​ക്കും നീ​തി​യും ജോ​ലി​യും ല​ഭി​ക്ക​ണം. രാ​ജ്യ​ത്ത് സാ​ഹോ​ദ​ര്യം നി​ല​നി​ൽ​ക്കു​ക​യും വേ​ണം.

ഭാ​ര​ത് ജോ​ഡോ യാ​ത്ര ബി.​ജെ.​പി​യു​ടെ​യും ആ​ർ.​എ​സ്.​എ​സി​ന്റെ​യും വെ​റു​പ്പി​ന്റെ​യും അ​ക്ര​മ​ത്തി​ന്റെ​യും ആ​ശ​യ​ങ്ങ​ൾ​ക്ക് എ​തി​രാ​ണ്. ഐ​ക്യ​വും സാ​ഹോ​ദ​ര്യ​വും ഊ​ട്ടി​യു​റ​പ്പി​ക്കു​ക​യാ​ണ് യാ​ത്ര​യു​ടെ ല​ക്ഷ്യ​മെ​ന്നും അ​ദ്ദേ​ഹം പ​റ​ഞ്ഞു.

തെ​ല​ങ്കാ​ന​യി​ലെ​ത്തി​യ യാ​ത്ര​ക്ക് വ​ൻ സ്വീ​ക​ര​ണ​മാ​ണ് ല​ഭി​ച്ച​ത്. കോ​ൺ​ഗ്ര​സ് ലോ​ക്സ​ഭാം​ഗ​വും തെ​ല​ങ്കാ​ന പാ​ർ​ട്ടി ഇ​ൻ ചാ​ർ​ജു​മാ​യ മാ​ണി​ക്കം ടാ​ഗോ​ർ, പാ​ർ​ട്ടി സം​സ്ഥാ​ന അ​ധ്യ​ക്ഷ​ൻ എ. ​​രേ​വ​ന്ദ് റെ​ഡ്ഡി തു​ട​ങ്ങി​യ​വ​രു​ടെ നേ​തൃ​ത്വ​ത്തി​ൽ രാ​ഹു​ൽ ഗാ​ന്ധി​യെ സ്വീ​ക​രി​ച്ചു. ദീ​പാ​വ​ലി പ്ര​മാ​ണി​ച്ച് ബു​ധ​നാ​ഴ്ച വ​രെ യാ​ത്ര​ക്ക് താ​ൽ​ക്കാ​ലി​ക ഇ​ട​വേ​ള​യാ​യ​തി​നാ​ൽ രാ​ഹു​ൽ ഗാ​ന്ധി ഡ​ൽ​ഹി​ക്ക് തി​രി​ച്ചു. ഇ​തി​നാ​യി ഗു​ഡ​ബെ​ല്ലൂ​രി​ൽ​നി​ന്ന് അ​ദ്ദേ​ഹം ഹെ​ലി​കോ​പ്ട​റി​ൽ ഹൈ​ദ​രാ​ബാ​ദി​ലേ​ക്കു പോ​യി.

27ന് ​രാ​വി​ലെ നാ​രാ​യ​ൺ​പേ​ട്ട് ജി​ല്ല​യി​ൽ​നി​ന്ന് വീ​ണ്ടും യാ​ത്ര ആ​രം​ഭി​ക്കും. തു​ട​ർ​ന്ന് 19 മ​ണ്ഡ​ല​ങ്ങ​ളി​ലൂ​ടെ യാ​ത്ര തു​ട​രും. ന​വം​ബ​ർ ഏ​ഴി​ന് യാ​ത്ര മ​ഹാ​രാ​ഷ്ട്ര​യി​ലേ​ക്ക് പ്ര​വേ​ശി​ക്കും.