ന്യൂഡൽഹി: കാൽനൂറ്റാണ്ടായി സി.പി.എം ഭരിക്കുന്ന ത്രിപുരയിൽ ബി.ജെ.പി സർക്കാർ രൂപവത്കരിക്കുമെന്ന് ന്യൂസ് എക്സ്, ആക്സിസ് മൈ ഇന്ത്യ എക്സിറ്റ് പോൾ ഫലം. മേഘാലയയിലും നാഗാലൻഡിലും ബി.ജെ.പി അധികാരത്തിലെത്തുമെന്നും പ്രവചനമുണ്ട്.
ത്രിപുരയിൽ 60 സീറ്റിൽ ബി.ജെ.പി- െഎ.പി.എഫ്.ടി സഖ്യം 35-45 സീറ്റ് നേടുമെന്നാണ് ന്യൂസ് എക്സ് പ്രവചനം. കഴിഞ്ഞ തവണ 50 സീറ്റുനേടി അധികാരത്തിലെത്തിയ സി.പി.എം 14-23 സീറ്റിൽ ഒതുങ്ങും. ആക്സിസ് മൈ ഇന്ത്യ പോളിലും ബി.ജെ.പി 45-50 സീറ്റ് നേടുമെന്നാണ് പ്രവചനം, സി.പി.എമ്മിന് 9-10 സീറ്റും. സി വോട്ടർ എക്സിറ്റ് പോളിൽ സി.പി.എം 34 സീറ്റ് നേടും. ബി.ജെ.പിയും സഖ്യകക്ഷികളും 24-32 സീറ്റ് നേടും.
നാഗാലൻഡിലും മേഘാലയയിലും ബി.ജെ.പി ജയിക്കുമെന്ന് ആക്സിസ് മൈ ഇന്ത്യയും ന്യൂസ് എക്സും പ്രവചിക്കുന്നു. 60 അംഗ നാഗാലൻഡ് സഭയിൽ ബി.ജെ.പി സഖ്യം 27-32 സീറ്റും, എൻ.പി.എഫ് 20^25 സീറ്റും നേടുമെന്ന് ന്യൂസ് എക്സ് പ്രവചിക്കുന്നു. മേഘാലയയിൽ 60 അംഗസഭയിൽ പകുതി സീറ്റും ബി.ജെ.പി നേടുമെന്നാണ് ആക്സിസ് മൈ ഇന്ത്യ പ്രവചനം. കോൺഗ്രസ് 20 സീറ്റിൽ ഒതുങ്ങും. ന്യൂസ് എക്സ് പ്രവചനമനുസരിച്ച് സാങ്മയുടെ നാഷനൽ പീപ്ൾസ് പാർട്ടി 23-27 സീറ്റ് നേടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.