ന്യൂഡൽഹി: ടിക്ടോക്ക് ഉൾപ്പെടെ 59 ചൈനീസ് ആപുകൾ ഇന്ത്യ നിരോധിച്ചതിൽ ആശങ്ക പ്രകടിപ്പിച്ച് ചൈന. 'ചൈന ശക്തമായി ആശങ്കപ്പെടുന്നു' ചൈനീസ് വിദേശകാര്യമന്ത്രാലയ വക്താവ് സാവോ ലിജിയൻ പറഞ്ഞതായി എ.എൻ.ഐ റിപ്പോർട്ട് ചെയ്തു.
ജനപ്രിയ ആപായ ടിക്ടോക്, വിചാറ്റ്, എക്സെൻഡർ, ഷെയർ ഇറ്റ് തുടങ്ങിയ 59 ആപുകൾ ഇന്ത്യയിൽ നിരോധിക്കുന്നതായി തിങ്കളാഴ്ച വൈകുന്നേരമാണ് കേന്ദ്രസർക്കാർ ഉത്തരവിറക്കിയത്. ഇന്ത്യയുടെ പരമാധികാരം, അഖണ്ഡത, പ്രതിരോധം, സുരക്ഷ തുടങ്ങിയവക്ക് ഭീഷണിയുയർത്തുന്നതായി ലഭിച്ച വിവരത്തിെൻറ അടിസ്ഥാനത്തിലാണ് 59 ആപ്പുകൾ ബ്ലോക്ക് ചെയ്യുന്നതെന്ന് കേന്ദ്ര സർക്കാർ വാർത്തകുറിപ്പിൽ വ്യക്തമാക്കിയിരുന്നു.
ജൂൺ 15ന് ലഡാക്കിൽ 20 ഇന്ത്യൻ സൈനികർ രക്തസാക്ഷികളായതിനെ തുടർന്ന് ചൈനയുമായി നിലനിൽക്കുന്ന സംഘർഷത്തിെൻറ പശ്ചാത്തലത്തിലാണ് കേന്ദ്ര സർക്കാർ നീക്കം.
ആപ്പുകൾ നിരോധിച്ച തീരുമാനം പ്രഖ്യാപിച്ചതിന് പിന്നാലെ ഗൂഗിൾ പ്ലേ സ്റ്റോറിൽ നിന്നും ആപ്പിൾ ആപ്പ് സ്റ്റോറിൽ നിന്നും ടിക് ടോകിനെ നീക്കി. തിങ്കളാഴ്ച രാത്രി വരെ ഇരു സ്റ്റോറുകളിൽ ആപ്പ് ലഭ്യമായിരുന്നുവെങ്കിലും ചൊവ്വാഴ്ച രാവിലെയോടെ നീക്കുകയായിരുന്നു.
നിരോധനത്തിൽ ടിക് ടോകിെൻറ പ്രതികരണം പുറത്ത് വന്നു. കേന്ദ്രസർക്കാർ പ്രതിനിധികളെ കണ്ട് ഇക്കാര്യത്തിൽ വിശദീകരണം നൽകുമെന്നാണ് അധികൃതർ അറിയിച്ചിരിക്കുന്നത്. ഇന്ത്യൻ നിയമമനുസരിച്ചുള്ള ഡാറ്റ സുരക്ഷിതത്വവും സ്വകാര്യതയും ടിക്ടോക് പാലിക്കുമെന്ന് കമ്പനിയുടെ ഇന്ത്യ മേധാവി നിഖിൽ ഗാന്ധി പറഞ്ഞു. ഇന്ത്യയിലെ ഉപയോക്താക്കളുടെ വിവരങ്ങൾ ചൈനക്ക് കൈമാറുന്നില്ലെന്നും ടിക് ടോക് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.