ന്യൂഡൽഹി: ചൈനീസ് ആക്രമണത്തെ തുടർന്നുണ്ടായ സാഹചര്യം ചർച്ചചെയ്യാൻ പ്രതിരോധമന്ത്രി രാജ്നാഥ്സിങ്ങിൻെറ അധ്യക്ഷതയിൽ ഉന്നതതല യോഗം വിളിച്ചുചേർത്തു. മൂന്ന് സൈനിക മേധാവിമാരുമായും സംയുക്തസേന മേധാവി ബിപിൻ റാവത്തുമായാണ് കൂടിക്കാഴ്ച.
കിഴക്കൻ ലഡാക്കിലെ ഗല്‍വാന്‍ താഴ്വരയില്‍ ഏറ്റുമുട്ടലില്‍ ഒരു കേണൽ അടക്കം 20 ഇന്ത്യന്‍ സൈനികര്‍ വീരമൃത്യു വരിച്ചത് വേദനാജനകമെന്ന് രാജ്നാഥ് സിങ് ട്വീറ്റ് ചെയ്തു. വീരമൃത്യു വരിച്ച 20 സൈനികരുടെയും കുടുംബത്തിനും അനുശോചനം അറിയിച്ചു.
‘ഗാൽവാനിലെ സൈനികരുടെ നഷ്ടം അങ്ങേയറ്റം അസ്വസ്ഥവും വേദനാജനകവുമാണ്. നമ്മുടെ സൈനികർ അതിർത്തിയിലെ ജോലിക്കിടെ മാതൃകാപരമായ ധൈര്യവും വീര്യവും പ്രകടിപ്പിച്ചു. ഇന്ത്യൻ സൈന്യത്തിൻെറ ഉയർന്ന മൂല്യം ഉയർത്തിപിടിച്ച് ജീവൻ ബലിയർപ്പിച്ചു’ -രാജ്നാഥ് സിങ് ട്വീറ്റ് ചെയ്തു.
The loss of soldiers in Galwan is deeply disturbing and painful. Our soldiers displayed exemplary courage and valour in the line of duty and sacrificed their lives in the highest traditions of the Indian Army.
— Rajnath Singh (@rajnathsingh) June 17, 2020
അവരുടെ ധീരതയും ത്യാഗവും രാജ്യം ഒരിക്കലും മറക്കില്ല. എൻെറ ഹൃദയം വീരമൃത്യു വതിച്ച സൈനികർക്കൊപ്പമാണ്. ഈ ദുർഘട ഘട്ടത്തിൽ തോളോടു തോൾ ചേർന്ന് രാജ്യം ഒറ്റക്കെട്ടായി നിൽക്കണം. ഈ ധീരരുടെ ധൈര്യത്തിൽ ഞങ്ങൾ അഭിമാനം കൊള്ളുന്നു -അദ്ദേഹം പറഞ്ഞു.
അതേസമയം, ലഡാക്കിലെ ഗൽവാൻ താഴ്വരയിൽ തിങ്കളാഴ്ച രാത്രി ചൈനീസ് സൈന്യവുമായുണ്ടായ ഏറ്റുമുട്ടലിൽ ചൈനീസ് കമാർഡിങ് ഓഫിസറും കൊല്ലപ്പെട്ടതായി എ.എൻ.ഐ റിപ്പോർട്ട് െചയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.