മുംബൈ: ഗുജറാത്തിലെ പോർബന്തറിൽ കോസ്റ്റ് ഗാർഡിന്റെ ഹെലികോപ്ടർ തകർന്ന് മൂന്നുമരണം. പതിവ് പരിശീലന പറക്കലിനിടെയാണ് കോസ്റ്റ്ഗാർഡിന്റെ അഡ്വാസ്ഡ് ലൈറ്റ് ഹെലികോപ്ടർ(എ.എൽ.എച്ച്) അപകടത്തിൽ പെട്ടത്. കോസ്റ്റ് ഗാർഡിന്റെ എയർ എൻക്ലേവിലായിരുന്നു അപകടം നടന്നത്. തകര്‍ന്നുവീണതിന് പിന്നാലെ ഹെലിക്കോപ്റ്ററിന് തീപ്പിടിച്ചു.
ഹെലികോപ്ടറിന് സാങ്കേതിക തകരാറുണ്ടായിരുന്നുവെന്നും അതാണ് അപകടത്തിലേക്ക് നയിച്ചതെന്നും അധികൃതർ വ്യക്തമാക്കി. രണ്ടു പൈലറ്റുമാരടക്കം മൂന്നുപേരാണ് ഹെലികോപ്ടറിലുണ്ടായിരുന്നത്. മൂന്നുപേരും മരിച്ചു. സംഭവത്തിൽ കോസ്റ്റ്ഗാർഡ് അന്വേഷണം തുടങ്ങി.
കഴിഞ്ഞ വർഷം നടന്ന നിരവധി അപകടങ്ങൾക്ക് ശേഷം എച്ച്.എ.എൽ ആരംഭിച്ച സൈനിക എ.എൽ.എച്ച് ഫ്ലീറ്റിലെ നിർണായക സുരക്ഷാ നവീകരണം പൂർത്തിയാകുകയും പ്രാദേശികമായി നിർമിച്ച ചോപ്പറുകളിൽ സ്ഥാപിച്ചിട്ടുള്ള നവീകരിച്ച നിയന്ത്രണ സംവിധാനം അവയുടെ വായുസഞ്ചാരം മെച്ചപ്പെടുത്തുമെന്ന് പ്രതീക്ഷിക്കുകയും ചെയ്യുന്ന സമയത്താണ് സംഭവം. മോശം ഡിസൈൻ പ്രശ്‌നത്താൽ വലയുന്ന ധ്രുവ് ഫ്ലീറ്റ്, ചെറിയ അപകടങ്ങളെത്തുടർന്ന് കഴിഞ്ഞ വർഷം നിരവധി തവണ നിലത്തിറക്കിയിരുന്നു.
സെപ്റ്റംബറിൽ, ധ്രുവ് അഡ്വാൻസ്ഡ് ലൈറ്റ് ഹെലികോപ്റ്റർ പോർബന്തറിന് സമീപം അറബിക്കടലിൽ തകർന്നു. ബംഗളൂരു ആസ്ഥാനമായുള്ള ഹിന്ദുസ്ഥാൻ എയറോനോട്ടിക്സ് ലിമിറ്റഡ് (എച്ച്എഎൽ) രൂപകല്പന ചെയ്യുകയും നിർമ്മിക്കുകയും ചെയ്യുന്ന 16 എഎൽഎച്ച് കോസ്റ്റ് ഗാർഡിന് കീഴിൽ പ്രവർത്തിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.