ലഖ്നോ: വിമാനത്താവളത്തിൽ നിന്ന് 35 ലക്ഷം രൂപ വിലവരുന്ന നിർമാണ സാമഗ്രികൾ മോഷണംപോയി. യു.പിയിലെ ലഖ്നോ വിമാനത്താവളത്തിലാണ് സംഭവം.
ജനുവരി 25നാണ് സംഭവമുണ്ടായത്. വിമാനത്താവളത്തിലെ ടെർമിനൽ മൂന്നിന്‍റെ നിർമാണപ്രവൃത്തി നടക്കുകയാണ്. ഇതിനായി കൊണ്ടുവന്ന 400 ടൺ ഭാരം ഉയർത്താൻ ശേഷിയുള്ള ക്രെയിനിന്‍റെ അനുബന്ധ ഉപകരണങ്ങൾ ഉൾപ്പെടെയാണ് മോഷ്ടിക്കപ്പെട്ടത്. തുടർന്ന്, നിർമാണ ചുമതലയുണ്ടായിരുന്ന എൻ.സി.സി ലിമിറ്റഡ് പൊലീസിൽ പരാതി നൽകുകയായിരുന്നു.
നിർമാണത്തിനെത്തിച്ച റിമോട്ട് കേബിളുകൾ, ഹോസ് പൈപ്പുകൾ മുതലായവയും കടത്തിയിട്ടുണ്ട്. സംഭവത്തിൽ സിസിടിവി ദൃശ്യങ്ങൾ കേന്ദ്രീകരിച്ച് അന്വേഷണം തുടങ്ങിയതായി പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.