സംഭാൽ (യു.പി): കോൺഗ്രസ് നേതാവ് രാഹുൽ ഗാന്ധിയുടെ പ്രസ്താവനക്കെതിരെ നോട്ടീസയച്ച് കോടതി. രാഹുൽ ജനങ്ങളുടെ വികാരം വ്രണപ്പെടുത്തിയെന്നാരോപിച്ച് ഹിന്ദു ശക്തി ദളിന്റെ ദേശീയ പ്രസിഡന്റ് സിമ്രാൻ ഗുപ്ത സമർപ്പിച്ച ഹരജിയിലാണ് പ്രാദേശിക കോടതി വ്യാഴാഴ്ച നോട്ടീസ് അയച്ചത്.
ജനുവരി 15ന് ഡൽഹി കോൺഗ്രസ് ഓഫിസ് ഉദ്ഘാടന വേളയിൽ, ‘ഞങ്ങളുടെ പോരാട്ടം ബി.ജെ.പിക്കോ ആർ.എസ്.എസിനോ എതിരല്ല, മറിച്ച് ഇന്ത്യൻ ഭരണകൂടത്തിനെതിരെയാണ്’ എന്ന രാഹുൽ ഗാന്ധിയുടെ പ്രസ്താവന ജനങ്ങളുടെ വികാരത്തെ വ്രണപ്പെടുത്തിയെന്ന സിമ്രാൻ ഗുപ്തയുടെ പരാതിയിലാണ് കോടതി നടപടി.
ഏപ്രിൽ നാലിന് കോടതിയിൽ ഹാജരാകാനോ മറുപടി സമർപ്പിക്കാനോ ആവശ്യപ്പെട്ട് കോടതി രാഹുലിന് നോട്ടീസ് അയച്ചതായി അഭിഭാഷകൻ സച്ചിൻ ഗോയൽ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.