ന്യൂഡൽഹി: കോവിഡ് കേസുകൾ നൂറിൽ താഴെ എത്തിയെങ്കിലും നിയന്ത്രണങ്ങൾ കർശനമായി നടപ്പാക്കി ഡൽഹി സർക്കാർ. കോവിഡ് മാനദണ്ഡങ്ങൾ ലംഘിച്ച മാർക്കറ്റുകൾ വ്യാപാരികളുടെ എതിർപ്പ് മറികടന്നും അടച്ചിടുന്നത് തുടരുന്നു. തലസ്ഥാന നഗരിയിലെ പ്രമുഖ മാർക്കറ്റായ സദർബസാർ കോവിഡ് മാനദണ്ഡം ലംഘിച്ചത് ചൂണ്ടിക്കാട്ടി മൂന്ന് ദിവസത്തേക്ക് അടച്ചിടാൻ സംസ്ഥാന സർക്കാർ ഞായാറാഴ്ച ഉത്തരവിട്ടു.
ലജ്പത് മാർക്കറ്റ് അടച്ചിടാൻ നേരത്തെ ഉത്തരവിട്ടിരുന്നു. ഇതിന് പിന്നാലെയാണ് സദർ ബസാർ മാർക്കറ്റും അടച്ചിടുന്നത്. ലോക്ഡൗൺ ഇളവ് നൽകിയതിനു പിന്നാലെ മാർക്കറ്റുകളിൽ ആൾക്കൂട്ടം ഉണ്ടായത് ഡൽഹി ഹൈകോടതി വിമർശിച്ചിരുന്നു. ഇതേത്തുടർന്നാണ് കേസുകൾ കുറഞ്ഞിട്ടും സർക്കാർ നടപടി കർശനമാക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.