ഭാര്യയെ കരുവാക്കി രാഷ്ട്രീയ ഭാവി തകർക്കാൻ ശ്രമമെന്ന്​ ദേ​വേ​ന്ദ്ര ഫഡ്​നാവിസ്

മും​ബൈ: ഭാ​ര്യ​ക്ക്​ എ​തി​രെ വ്യാ​ജ കേ​സു​ണ്ടാ​ക്കി ത​ന്റെ രാ​ഷ്ട്രീ​യ​ഭാ​വി ത​ക​ർ​ക്കാ​ൻ ഗൂ​ഢാ​ലോ​ച​ന ന​ട​ന്ന​താ​യി മ​ഹാ​രാ​ഷ്ട്ര ഉ​പ​മു​ഖ്യ​മ​ന്ത്രി​യും ബി.​ജെ.​പി നേ​താ​വു​മാ​യ ദേ​വേ​ന്ദ്ര ഫ​ഡ്​​നാ​വി​സ്. താ​നു​മാ​യി സൗ​ഹൃ​ദം സ്ഥാ​പി​ച്ച ‘ഡി​സൈ​ന​ർ’ അ​വ​രു​ടെ പി​താ​വി​ന്​ എ​തി​രെ​യു​ള്ള കേ​സ്​ പി​ൻ​വ​ലി​ക്കാ​ൻ കോ​ടി രൂ​പ വാ​ഗ്ദാ​നം ചെ​യ്​​തെ​ന്ന്​ ആ​രോ​പി​ച്ച്​ ഭാ​ര്യ അ​മൃ​ത ഫ​ഡ്​​നാ​വി​സ്​ പ​രാ​തി ന​ൽ​കി​യി​രു​ന്നു. പ​രാ​തി​യി​ൽ പൊ​ലീ​സ്​ കേ​സെ​ടു​ത്ത​താ​യു​ള്ള വാ​ർ​ത്ത​യി​ൽ പ്ര​തി​പ​ക്ഷ നേ​താ​വ്​ അ​ജി​ത്​ പ​വാ​ർ നിയമസഭയിൽ വി​ശ​ദീ​ക​ര​ണം ആ​വ​ശ്യ​പ്പെ​ട്ടു. അപ്പോ​ഴാ​ണ്​ ഫ​ഡ്​​നാ​വി​സ്​ രാ​ഷ്ട്രീ​യ ഗൂ​ഢാ​ലോ​ച​ന ആ​രോ​പി​ച്ച​ത്.

ഗൂ​ഢാ​ലോ​ച​ന​യി​ൽ രാ​ഷ്ട്രീ​യ നേ​താ​ക്ക​ൾ​ക്കും പൊ​ലീ​സ്​ ഉ​ദ്യോ​ഗ​സ്ഥ​ർ​ക്കും പ​ങ്കു​ള്ള​താ​യി സം​ശ​യി​ക്കു​ന്ന​താ​യും ഫ​ഡ്​​നാ​വി​സ്​ പ​റ​ഞ്ഞു.

മുംബൈയിലെ വനിത ഡിസൈനർ തനിക്ക് ഒരു കോടി രൂപ കൈക്കൂലി നൽകാമെന്ന് വാഗ്ദാനം ചെയ്തതായി ആരോപിച്ച് ദേവേന്ദ്ര ഫഡ്നാവിസിന്റെ ഭാര്യ അമൃത ഫഡ്നാവിസ് രംഗത്തുവന്നിരുന്നു. അമൃതയുടെ പരാതിയിൽ അനിക്ഷ എന്ന യുവതിയെയും ര​ണ്ടു ബ​ന്ധു​ക്ക​ളെ​യും പൊ​ലീ​സ് അ​റ​സ്റ്റ്ചെ​യ്തിട്ടുണ്ട്.

അവരുടെ പിതാവിനുമെതിരെ മുംബൈ പൊലീസ് കേസെടുക്കുകയും. ബാങ്കറാണ് അമൃത. അനിക്ഷയുടെ പിതാവ് ഉൾപ്പെട്ട ഒരു ക്രിമിനൽ കേസ് പരിഹരിക്കുന്നതിന് തനിക്ക് ഒരു കോടി രൂപ കൈക്കൂലിയായി വാഗ്ദാനം നൽകുകയായിരുന്നുവെന്നാണ് അമൃതയുടെ ആരോപണം.

2015-2016ലാ​ണ് അ​നി​ക്​​ഷ അ​മൃ​ത​യു​മാ​യി സൗ​ഹൃ​ദ​ത്തി​ലാ​യ​തെ​ന്ന് ഫ​ഡ്നാ​വി​സ് പ​റ​ഞ്ഞു. ത​ന്റെ മ​രി​ച്ചു​പോ​യ അ​മ്മ​യെ കു​റി​ച്ച്​ എ​ഴു​തി​യ പു​സ്ത​കം അ​മൃ​ത​യെ കൊ​ണ്ട്​ പ്ര​കാ​ശ​നം ചെ​യ്യി​ച്ച്​ സ​ഹ​താ​പം നേ​ടു​ക​യാ​യി​രു​ന്നു. പി​ന്നീ​ട്​ അ​നി​ക്​​ഷ രൂ​പ​ക​ൽ​പ​ന ചെ​യ്ത വ​സ്ത്ര​ങ്ങ​ളും ആ​ഭ​ര​ണ​ങ്ങ​ളും അ​വ​രു​ടെ അ​പേ​ക്ഷ​പ്ര​കാ​രം അ​മൃ​ത പൊ​തുച​ട​ങ്ങു​ക​ളി​ൽ അ​ണി​ഞ്ഞു. കൂ​ടു​ത​ൽ അ​ടു​ത്ത​തോ​ടെ പി​താ​വി​ന്​ എ​തി​രെ​യു​ള്ള വ്യാ​ജ കേ​സ്​​ ഒ​ഴി​വാ​ക്കാ​ൻ കോ​ടി രൂ​പ വാ​ഗ്ദാ​ന​വും ചെ​യ്തു.

ന​ഗ​ര​ത്തി​ലെ വാ​തു​വെ​പ്പു​കാ​രെ കു​റി​ച്ച്​ പി​താ​വി​ന്​ അ​റി​യാ​മെ​ന്നും അ​ത്​ ഉ​പ​യോ​ഗി​ച്ച്​ അ​വ​ർ​ക്കെ​തി​രെ റെ​യി​ഡ്​ ന​ട​ത്തി​ച്ച്​ പ​ണ​മു​ണ്ടാ​ക്കാ​മെ​ന്നും അ​നി​ക്​​ഷ അ​മൃ​ത​യോ​ട്​ പ​റ​ഞ്ഞു. അ​തോ​ടെ അ​വ​രു​ടെ ന​മ്പ​ർ അ​മൃ​ത ​ബ്ലോ​ക്ക്​ ചെ​യ്തു. എ​ന്നാ​ൽ, മ​റ്റൊ​രു ന​മ്പ​റി​ൽ​നി​ന്ന്​ അ​മൃ​ത​ക്ക്​ പ​ണം ന​ൽ​കി എ​ന്ന്​ തെ​റ്റി​ദ്ധ​രി​പ്പി​ക്കും​വി​ധം പ​ണം നി​റ​ച്ച ബാ​ഗി​ന്റെ വി​ഡി​യോ അ​യ​ച്ചു. അ​ന്വേ​ഷ​ണ​ത്തി​ൽ വി​ഡി​യോ കൃ​ത്രി​മ​മാ​ണെ​ന്ന്​ ഫോ​റ​ൻ​സി​ക്​ വി​ദ​ഗ്ധ​ർ ക​ണ്ടെ​ത്തി​യി​ട്ടു​ണ്ടെ​ന്ന് ഫ​ഡ്​​നാ​വി​സ്​ പ​റ​ഞ്ഞു.