ബം​ഗ​ളൂ​രുവിൽ കോ​ള​ജ് സു​ര​ക്ഷാ ജീ​വ​ന​ക്കാ​ര​നെ മ​ദ്യ​പി​ച്ചെ​ത്തി​യ വി​ദ്യാ​ർ​ഥി കു​ത്തി​ക്കൊ​ന്നു

ബം​ഗ​ളൂ​രു: കെം​പാ​പു​ര സി​ന്ധി കോ​ള​ജ് സു​ര​ക്ഷാ ജീ​വ​ന​ക്കാ​ര​നെ മ​ദ്യ​പി​ച്ചെ​ത്തി​യ വി​ദ്യാ​ർ​ഥി കു​ത്തി​ക്കൊ​ന്നു. അ​സം സ്വ​ദേ​ശി ജ​യ് കി​ഷോ​ർ റോ​യി​യാ​ണ് (52) കൊ​ല്ല​പ്പെ​ട്ട​ത്.

കോ​ള​ജി​ലെ മൂ​ന്നാം വ​ർ​ഷ ബി.​എ വി​ദ്യാ​ർ​ഥി ബി​ഹാ​ർ സ്വ​ദേ​ശി ഭാ​ർ​ഗ​വ് ജ്യോ​തി ബ​ർ​മ​നെ(22) സം​ഭ​വ​വു​മാ​യി ബ​ന്ധ​പ്പെ​ട്ട് പൊ​ലീ​സ് അ​റ​സ്റ്റ് ചെ​യ്തു.

കോ​ള​ജി​ലെ അ​വ​സാ​ന വ​ർ​ഷ ബി.​എ വി​ദ്യാ​ർ​ഥി​യാ​ണ് ഭാ​ർ​ഗ​വ്. കോ​ള​ജ് വാ​ർ​ഷി​കാ​ഘോ​ഷ​ത്തി​ല്‍ പ​ങ്കെ​ടു​ക്കാ​നാ​യി ക​ഴി​ഞ്ഞ ദി​വ​സം വൈ​കീ​ട്ട് 3.30ഓ​ടെ ഭാ​ർ​ഗ​വും കൂ​ട്ടു​കാ​രും എ​ത്തി​യ​പ്പോ​ള്‍ സു​ര​ക്ഷാ​ജീ​വ​ന​ക്കാ​ര​നാ​യ ജ​യ് കി​ഷോ​ർ ഇ​വ​രെ ത​ട​ഞ്ഞു. ഭാ​ർ​ഗ​വ് ഉ​ള്‍പ്പെ​ടെ​യു​ള്ള​വ​ർ മ​ദ്യ​പി​ച്ച നി​ല​യി​ലാ​യി​രു​ന്ന​താ​ണ​ത്രെ കാ​ര​ണം.

ഇ​തോ​ടെ സു​ര​ക്ഷാ ജീ​വ​ന​ക്കാ​ര​നു​മാ​യി സം​ഘം വ​ഴ​ക്കു​ണ്ടാ​ക്കി. തി​രി​ച്ചു​പോ​യ ഭാ​ർ​ഗ​വ് ക​ത്തി​യു​മാ​യി മ​ട​ങ്ങി​യെ​ത്തി സു​ര​ക്ഷാ ജീ​വ​ന​ക്കാ​ര​നെ കു​ത്തി​വീ​ഴ്ത്തു​ക​യാ​യി​രു​ന്നു​വെ​ന്ന് പൊ​ലീ​സ് പ​റ​ഞ്ഞു. കാ​മ്പ​സി​ല്‍ വാ​ർ​ഷി​കാ​ഘോ​ഷ​ത്തി​നെ​ത്തി​യ മ​റ്റു​വി​ദ്യാ​ർ​ഥി​ക​ൾ ക​ണ്ടു​നി​ൽ​ക്കെ​യാ​ണ് ആ​ക്ര​മ​ണം ന​ട​ന്ന​തെ​ന്ന് സി.​സി.​ടി.​വി ദൃ​ശ്യ​ങ്ങ​ളി​ൽ തെ​ളി​ഞ്ഞു.

ഗു​രു​ത​ര​മാ​യി പ​രി​ക്കേ​റ്റ ജ​യ് കി​ഷോ​ർ സം​ഭ​വ​സ്ഥ​ല​ത്തു​ത​ന്നെ മ​രി​ച്ചു. അ​മൃ​ത​ഹ​ള്ളി പൊ​ലീ​സ് സം​ഭ​വ​സ്ഥ​ല​ത്തെ​ത്തി പ്ര​തി​ക​ളെ ക​സ്റ്റ​ഡി​യി​ലെ​ടു​ത്തു. മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​നാ​യി ആ​ശു​പ​ത്രി​യി​ലേ​ക്ക് മാ​റ്റി.