എക്സിറ്റ് പോളുകളിൽ മഹാരാഷ്ട്രയിൽ ബി.ജെ.പി സഖ്യത്തിന് മുന്നേറ്റം; ഝാർഖണ്ഡിൽ ഇഞ്ചോടിഞ്ച്

മുംബൈ: മഹാരാഷ്ട്ര, ഝാർഖണ്ഡ് നിയമസഭ തെരഞ്ഞെടുപ്പുകളുടെ എക്സിറ്റ് പോൾ ഫലങ്ങൾ പുറത്തുവിട്ട് ഏജൻസികൾ. മഹാരാഷ്ട്രയിൽ ബി.ജെ.പി-ശിവസേന (ഷിൻഡെ) -എൻ.സി.പി (അജിത് പവാർ) എന്നിവരുടെ മഹായൂതി സഖ്യത്തിനാണ് ഭൂരിഭാഗം എക്സിറ്റ് പോളുകളും മുൻതൂക്കം പ്രവചിച്ചിരിക്കുന്നത്. അതേസമയം, ഝാർഖണ്ഡിൽ ഇഞ്ചോടിഞ്ച് പോരാട്ടമാണ്. കേരളത്തിലെ ഉപതെരഞ്ഞെടുപ്പ് ഫലങ്ങൾക്കൊപ്പം ശനിയാഴ്ചയാണ് രണ്ടിടത്തും ഫലപ്രഖ്യാപനം.

ഇലക്ടറൽ എഡ്ജ് നടത്തിയ എക്സിറ്റ് പോളിൽ മഹാരാഷ്ട്രയിൽ എം.വി.എ സഖ്യവും ഝാർഖണ്ഡിൽ ഇൻഡ്യ സഖ്യവും വിജയിക്കുമെന്നാണ് പ്രവചനം. മഹാരാഷ്ട്രയിൽ 150 സീറ്റ് നേടി എം.വി.എ അധികാരത്തിലെത്തുമെന്നാണ് ഇലക്ടറൽ എഡ്ജിന്‍റെ പ്രവചനം. ദൈനിക് ഭാസ്കറിന്‍റെ എക്സിറ്റ് പോളിലും മഹാരാഷ്ട്രയിൽ എം.വി.എക്കാണ് മുൻതൂക്കം. 135-150 സീറ്റുകൾ വരെ നേടുമെന്നാണ് പറയുന്നത്. 

പ്രമുഖ എക്സിറ്റ് പോളായ ആക്സിസ് മൈ ഇന്ത്യ ഝാർഖണ്ഡിൽ ഇൻഡ്യ സഖ്യം വിജയിക്കുമെന്നാണ് പ്രവചിച്ചിരിക്കുന്നത്. 53 സീറ്റ് നേടുമെന്നാണ് പ്രവചനം. പി-മാർക്യു എക്സിറ്റ് പോൾ ഝാർഖണ്ഡിൽ ഇൻഡ്യയുടെ വിജയമാണ് പ്രവചിച്ചിരിക്കുന്നത്. 37-47 സീറ്റ് നേടുമെന്ന് സർവേയിൽ പറയുന്നു. 42 സീറ്റ് നേടി ഇൻഡ്യ സഖ്യം അധികാരം നിലനിർത്തുമെന്നാണ് ഇലക്ടറൽ എഡ്ജിന്‍റെ പ്രവചനം. 

മഹാരാഷ്ട്ര (ആകെ സീറ്റ് -288)

ഝാർഖണ്ഡ് (ആകെ സീറ്റ് -

81)