ചിത്രകൂട്ട് (യു.പി): ഉത്തർ പ്രദേശിലെ ചിത്രകൂട്ടിൽ വ്യാജ ഏറ്റുമുട്ടലിലൂടെ യുവാവിനെ കൊലപ്പെടുത്തിയ കേസിൽ റിട്ട. എസ്.പി ഉൾപ്പെടെ 13 പൊലീസ് ഉദ്യോഗസ്ഥർക്കെതിരെ കൊലക്കുറ്റത്തിന് കേസെടുത്തു. ഏറ്റുമുട്ടലിൽ കൊല്ലപ്പെട്ട ബാലചന്ദ്ര എന്നയാളുടെ ഭാര്യ നതുനിയ നൽകിയ പരാതിയുടെ അടിസ്ഥാനത്തിൽ കേസിൽ പൊലീസുകാർക്കെതിരെ കൊലക്കുറ്റം ചുമത്തണമെന്ന് പ്രത്യേക കോടതി ജഡ്ജി വിനീത് നാരായൺ പാണ്ഡെ വ്യാഴാഴ്ച ഉത്തരവിട്ടിരുന്നു. തുടർന്നാണ് ശനിയാഴ്ച ബാഹിൽപുർവ പൊലീസ് സ്റ്റേഷനിൽ 13 പൊലീസുകാർക്കെതിരെ കൊലപാതക കുറ്റത്തിന് കേസ് രജിസ്റ്റർ ചെയ്തത്.
2021 മാർച്ച് 31നാണ് ബാലചന്ദ്ര കൊല്ലപ്പെടുന്നത്. ഇദ്ദേഹത്തെ വീട്ടിൽ നിന്ന് വിളിച്ചിറക്കിക്കൊണ്ടുപോയ പൊലീസ് സംഘം വ്യാജ ഏറ്റുമുട്ടലിലൂടെ കൊലപ്പെടുത്തുകയായിരുന്നുവെന്നാണ് ഭാര്യയുടെ പരാതി. സംഭവത്തിൽ ആദ്യം പൊലീസ് സ്റ്റേഷനിൽ പരാതി നൽകിയെങ്കിലും നടപടിയെടുക്കാൻ തയാറാവാത്തതിനെ തുടർന്ന് ഇവർ കോടതിയെ സമീപിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.