റാഞ്ചി: ഝാർഖണ്ഡിലെ പടിഞ്ഞാറൻ സിങ്ഭും ജില്ലയിൽ നടന്ന ഏറ്റുമുട്ടലിൽ അഞ്ച് മാവോയിസ്റ്റുകളെ വധിച്ചു. ഒരാളെ പരിക്കുകളോടെ സുരക്ഷ സേന പിടികൂടി.
ചൊവ്വാഴ്ച പുലർച്ചെ സി.ആർ.പി.എഫും കോബ്ര ബറ്റാലിയനും ഝാർഖണ്ഡ് പൊലീ സും സംയുക്തമായി നക്സൽ ഏരിയയിൽ നടത്തിയ തെരച്ചിലിനിടയിലാണ് ഏറ്റുമുട്ടൽ നടന്നത്. ഒളിയിടത്തിൽ നിന്നും സേനാംഗങ്ങൾക്കെതിരെ വെടിയുതിർത്ത മാവോയിസ്റ്റ് സംഘത്തെ സൈന്യം വളയുകയായിരുന്നു.
വെടിവെപ്പിൽ അഞ്ചുപേരെ വധിക്കുകയും ഒരാൾക്ക് പരിക്കേൽക്കുകയും ചെയ്തു. ഇവരിൽ നിന്നും രണ്ട് എ.കെ 47 തോക്കുകൾ, രണ്ട് പിസ്റ്റലുകൾ, 303 റൈഫിൾ, വെടികോപ്പുകൾ എന്നിവ പിടിച്ചെടുത്തതായി പൊലീസ് അറിയിച്ചു.
സിങ്ഭും ഏരിയയിൽ സേന സംയുക്തമായി തെരച്ചിൽ തുടരുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.