പേരെടുത്ത പാട്ടുകാരി ആഡംബര ജീവിതത്തിനായി 'പഠിച്ച കള്ളി'യായി; വിമാനത്തിൽ 'പറന്നു നടന്ന്​' മോഷണം

മുംബൈ: ഒരു ഗായകസംഘത്തിലെ അറിയപ്പെടുന്ന പാട്ടുകാരിയായിരുന്നു അവൾ. ഓർക്കസ്​ട്ര വേദികളിൽ ആരാധകരെ ഇളക്കിമറിച്ചിരുന്ന ഗായിക. ഇപ്പോൾ വയസ്സ്​ 46. മുൺമൂൺ ഹുസൈൻ, അർച്ചന ബറുവ, നിക്കി എന്നീ പേരുകളിലാണ്​ അറിയപ്പെടുന്നത്​. കഴിഞ്ഞ രണ്ടു വർഷമായി അവർ മുംബൈ പൊലീസി​െൻറ നിരീക്ഷണത്തിലായിരുന്നു. ഒടുവിൽ ഇക്കഴിഞ്ഞ ദിവസം അവർ പിടിയിലായി. പാട്ടുകാരിയായിരുന്ന അവരിപ്പോൾ 'പഠിച്ച കള്ളി'യായി മാറിയിരിക്കുന്നു. മുംബൈയിലും മറ്റു പ്രമുഖ നഗരങ്ങളിലുമൊക്കെ 'പറന്നു നടന്നാണ്​' മോഷണം. ആഡംബര ജീവിതത്തിനായി പണം കണ്ടെത്തുന്നതിനാണ്​ പാട്ടുകാരി മോഷ്​ടാവായി മാറിയത്​.

പ്രമുഖ നഗരങ്ങളിലെ ഷോപ്പിങ്​ മാളുകളിൽനിന്നും മാർക്കറ്റുകളിൽനിന്നുമൊക്കെ വിലകൂടിയ വസ്​തുക്കൾ അടിച്ചുമാറ്റുകയാണ്​ ഇവരുടെ രീതി. ​ബംഗളൂരു, കൊൽക്കത്ത, ഹൈദരാബാദ്​, മുംബൈ എന്നിവിടങ്ങളിൽ ഇവർക്കെതിരെ കേസ്​ രജിസ്​റ്റർ ചെയ്​തിട്ടുണ്ട്​. കൊൽക്കത്ത സ്വദേശിനിയായ ഇവർ കുറച്ചു വർഷങ്ങളായി ബംഗളൂരുവിലാണ്​ താമസം.

ഒ​ട്ടേറെ​ കേസുകൾ

2018 മുതൽ മുംബൈ പൊലീസും പിന്നീട്​ ക്രൈംബ്രാഞ്ചും ഇവരെ തേടിക്കൊണ്ടിരിക്കുകയായിരുന്നു​. 2019 ഏപ്രിലിൽ മുംബൈയി​ൽ ലോവർ പരേലിലെ ഫീനിക്​സ്​ മാളിൽ ഷോപ്പിങ്​ നടത്തുകയായിരുന്ന സ്​ത്രീയുടെ ഹാൻഡ്​ബാഗ്​ മോഷ്​ടിച്ച കേസിൽ​ ഇവരെ അറസ്​റ്റ്​ ചെയ്യാൻ അ​േന്വഷണം ഊർജിതമാക്കി. ആ ഹാൻഡ്​ബാഗിൽ 13 ലക്ഷത്തിലേറെ രൂപയുടെ ആഭരണങ്ങൾ, 50,000 രൂപ, ഐ ഫോൺ എന്നിവയുണ്ടായിരുന്നു. 2020 നവംബർ 29ന്​ കേസ്​ എൻ.എം. ജോഷി പൊലീസിൽനിന്ന്​​ മുംബൈ ക്രൈംബ്രാഞ്ചി​െൻറ യൂനിറ്റ്​ 05 ഏറ്റെടുത്തു. ഇതുപോലുള്ള നിരവധി കേസുകൾ 2018ൽ പല നഗരങ്ങളിലുമായി ഇവരുടെ പേരിലുണ്ടെന്ന്​ ക്രൈംബ്രാഞ്ച്​​ കണ്ടെത്തി.

ഇത്തരത്തിൽ ബംഗളൂരൂവിൽ അഞ്ചും ഹൈദരാബാദിൽ രണ്ടും കൊൽക്കത്തയിൽ ഒന്നും കേസ്​ രജിസ്​റ്റർ ചെയ്​തിരുന്നു. ഇവയുടെ വിശദവിവരങ്ങൾ പരിശോധിച്ച ക്രൈംബ്രാഞ്ച്,​​ മോഷണത്തിന്​ ഏറക്കുറെ ഒരേ സ്വഭാവമാണെന്ന്​ തിരിച്ചറിഞ്ഞു. 2013ൽ മോഷണക്കുറ്റത്തിന്​ മുംബൈയിൽ എൻ.എം. ജോഷി പൊലീസ്​ സ്​റ്റേഷനിൽ രജിസ്​റ്റർ ചെയ്​ത കേസിൽ അറസ്​റ്റ്​ ചെയ്യപ്പെട്ടിരുന്നുവെങ്കിലും പിന്നീട്​ ജാമ്യത്തിലിറങ്ങി മുങ്ങുകയായിരുന്നുവെന്നും അന്വേഷണ സംഘത്തിന്​ മനസ്സിലായി.

ആഡംബര ജീവിതം

അന്വേഷണം മുന്നോട്ടുപോകുന്നതിനിടയിലാണ്​ പ്രതി അറിയപ്പെടുന്ന ഓർക്കസ്​ട്ര ഗായികയായിരുന്നുവെന്ന്​ ക്രൈംബ്രാഞ്ചിന്​​ വിവരം ലഭിക്കുന്നത്​. ഹൈദരാബാദിലും കൊൽക്കത്തയില​ുമാണ്​ ഗായികയെന്ന നിലയിൽ അവർ കൂടുതൽ അറിയ​െപ്പട്ടിരുന്നത്​. ഭർത്താവ്​ ഹൈദരാബാദിൽ കയറ്റുമതി-ഇറക്കുമതി കച്ചവടങ്ങളുണ്ടായിരുന്ന പ്രമുഖ വ്യാപാരിയായിരുന്നു. 2008ൽ ആഗോള സാമ്പത്തിക പ്രതിസന്ധിയെ തുടർന്ന്​ കച്ചവടത്തിൽ വൻ നഷ്​ടം സംഭവിച്ചു. തുടർന്ന്​ പണം കടം വാങ്ങിയ ആളുകൾ തിരിച്ചുചോദിക്കാൻ തുടങ്ങിയതോടെ ദമ്പതികൾ കൊൽക്കത്തയിലേക്ക്​ താമസം മാറി. വൈകാതെ​ ഇവർ വിവാഹ മോചിതരാകുകയായിരുന്നു.

ഇതിനുശേഷം ജോലിയൊന്നുമില്ലാതിരുന്ന മുൺമൂണിന് അതുവരെ പുലർത്തിയിരുന്ന ആഡംബര ജീവിതം തുടർന്നുകൊണ്ടുപോവാൻ കഴിയാതായി. ഇതോടെയാണ്​ മോഷണത്തിലേക്ക്​ തിരിഞ്ഞത്​. വിമാനത്തിൽ സഞ്ചരിച്ചാണ്​ വിവിധ നഗരങ്ങളിൽ മോഷണം നടത്തിയിരുന്നത്​.

 2012നും 2019നുമിടയിൽ ബംഗളൂരു പൊലീസ്​ പലതവണ ഇവരെ അറസ്​റ്റ്​ ചെയ്​തിരുന്നു. ഒരോ തവണ ഹൈദരാബാദ്​ പൊലീസും കൊൽക്കത്ത പൊലീസും അറസ്​റ്റ്​ ചെയ്​തു. മുങ്ങിനടക്കുകയായിരുന്ന മുൺമൂണിനെ ചൊവ്വാഴ്​ച ബംഗളൂരുവിൽവെച്ചാണ്​ ക്രൈംബ്രാഞ്ച്​ അറസ്​റ്റ്​ ചെയ്​തത്​. ഇവരെക്കുറിച്ചുള്ള വിവരങ്ങൾ ശേഖരിക്കാൻ 100ലധികം സി.സി.ടി.വി ദൃശ്യങ്ങൾ​ പൊലീസ്​ പരിശോധിച്ചു. 2019 ഏപ്രിലിൽ മോഷ്​ടിച്ച ഹാൻഡ്​ബാഗിലെ പണവും ആഭരണവും മറ്റും പൊലീസ്​ ഇവരിൽനിന്ന്​ കണ്ടെടുത്തു. അന്ന്​ സി.സി.ടി.വി ദൃശ്യങ്ങളിൽ ഇവർ ധരിച്ചിരുന്ന വസ്​ത്രവും പൊലീസ്​ ബംഗളൂരുവിലെ ഇവരുടെ വീട്ടിൽനിന്ന്​ ക​െണ്ടത്തി.