വിവിധയിടങ്ങളിൽ നിന്ന് കർഷരുടെ വാഹനങ്ങളും കന്നുകാലികളും മോഷ്ടിക്കുന്ന സംഘത്തെ പുനെ പൊലീസ് പിടികൂടി. സംശയത്തിെൻറ അടിസ്ഥാനത്തിൽ പിടികൂടിയവരെ ചോദ്യം ചെയ്തപ്പോഴാണ് വൻ മോഷണ പരമ്പരയുടെ ചുരുളഴിഞ്ഞത്. സംഘത്തിൽ നിന്ന് 10 ട്രാക്ടറുകളടക്കം 20 വാഹനങ്ങൾ കണ്ടെടുത്തു. മോഷ്ടിച്ച ആറു പശുക്കളെയും കണ്ടെടുത്തിട്ടുണ്ട്.
പൂനെ, അഹമദ്നഗർ, സോളപൂർ ജില്ലകളിൽ നിന്ന് മോഷ്ടിച്ചതാണ് ഇവയത്രയും. കർഷകരുടെ ട്രാക്ടറുകളും മറ്റും നഷ്ടപ്പെടുന്നതായി നിരന്തരം പരാതികൾ ലഭിച്ചതിെൻറ അടിസ്ഥാനത്തിൽ ൈക്രംബ്രാഞ്ച് അന്വേഷണം നടക്കുന്നതിനിടയിലാണ് വ്യത്യസ്ത വാഹനങ്ങളിൽ സ്ഥിരമായി കറങ്ങുന്ന സംഘത്തെ ശ്രദ്ധിക്കുന്നത്. ഇവരെ പിടികൂടി ചോദ്യം ചെയ്തപ്പോഴാണ് മോഷണ പരമ്പര വ്യക്തമായത്.
നാലുപേരെയാണ് അറസ്റ്റ് ചെയ്തിട്ടുള്ളത്. സതീഷ് രക്ഷെ, ഡ്യാണ്ടെ നച്ച്ബോനെ, പ്രവീൺ കോർദെ എന്നിവരാണ് അറസ്റ്റിലായത്. സംഘത്തെ അറസ്റ്റ് ചെയ്തതിന് ശേഷം നടത്തിയ പരിശോധനകളിലാണ് വാഹനങ്ങൾ പിടികൂടിയത്. 10 ട്രാക്ടറുകൾ, രണ്ട് പിക്കപ്പ് ട്രക്കുകൾ, ഒരു ജീപ്, ഒരു എസ്.യു.വി, ആറു ബൈക്കുകൾ, ആറു പശുക്കൾ എന്നിവയാണ് മോഷണ സംഘത്തിൽ നിന്ന് കണ്ടെടുത്ത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.