ഗാസിയാബാദ്: വിവാഹപാർട്ടി സഞ്ചരിച്ച വാൻ കൊക്കയിലേക്ക് മറിഞ്ഞ് വരെൻറ പിതാവടക്കം ഏഴുപേർ മരിച്ചു. വെള്ളിയാഴ്ച രാത്രിയാണ് സംഭവം.
ഉത്തർപ്രദേശിലെ വിജയ് നഗറിൽ നിന്ന് ഖോദയിലേക്ക് പോവുകയായിരുന്ന 12 പേരടങ്ങുന്ന സംഘമാണ് അപകടത്തിൽ പെട്ടത്. വാൻ റോഡ് സൈഡിൽ നിർത്തി ഡ്രൈവർ പുറത്തിറങ്ങിയ സമയത്ത് വാഹനത്തിലുണ്ടായിരുന്ന കുട്ടി ഹാൻഡ് ബ്രേക്ക് ഒഴിവാക്കിയതാണ് അപകടത്തിൽ കലാശിച്ചത്.
ഹാൻഡ് ബ്രേക്ക് ഒഴിവാക്കിയതോടെ വാഹനം സമീപത്തെ കൊക്കയിലേക്ക് മറിയുകയായിരുന്നു. അപകടത്തിൽ ഒരു കുട്ടിയും നാലുസ്ത്രീകളുമടക്കം ഏഴുപേർ മരിച്ചു. വരെൻറ പിതാവ് ഒാം പ്രകാശ്(55)ഉം മരിച്ചവരിൽ ഉൾപ്പെടുന്നു. വാഹനത്തിലുണ്ടായിരുന്ന ആറുപേർക്ക് ഗുരുതര പരിക്കേറ്റു. സംഭവ സമയം മുതൽ ഡ്രൈവറെ കാണാനില്ല. ഇയാൾക്കെതിരെ പൊലീസ് കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.