ന്യൂഡല്‍ഹി: പാചക വാതക സിലിണ്ടറിെൻറ വില വീണ്ടും കൂട്ടി. ഗാര്‍ഹിക ആവശ്യത്തിനുള്ള എല്‍.പി.ജി സിലിണ്ടറിന് 32 രൂപയാണ് കൂടിയത്. ജി.എസ്.ടി പ്രാബല്യത്തില്‍ വന്നതോടെയാണ് പാചകവാതകത്തിന് വീണ്ടും വില കൂടിയത്.
കേന്ദ്ര, സംസ്ഥാന ചുങ്കം ഉള്‍പ്പടെ നിലവിലുണ്ടായിരുന്നതിന് പകരമായി ജി.എസ്.ടി വന്നപ്പോള്‍ 5 ശതമാനമാണ് പാചകവാതകത്തിന് നികുതി ഏര്‍പ്പെടുത്തിയത്. ഇതോടെ സബ്സിഡിയുള്ള സിലിണ്ടറിന് 32 രൂപയും സബ്‌സിഡിയില്ലാത്ത സിലിണ്ടറിന് 11.5 രൂപയുമാണ് വർധിച്ചത്.
ആറ് വര്‍ഷത്തെ ഏറ്റവും വലിയ വില വര്‍ധനയാണിത്. ഡല്‍ഹിയില്‍ 14.2 കിലോയുടെ സിലിണ്ടറിന് 446.65 ആയിരുന്നത് 477.46 ആയി വര്‍ധിച്ചു. സബ്‌സിഡിയില്ലാത്ത സിലിണ്ടറിന് 11.5 രൂപ കൂടി 564 രൂപയായി. സബ്‌സിഡിയില്ലാത്ത സിലിണ്ടറിന് 18 ശതമാനമാണ് ജി.എസ്.ടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.