വിദ്വേഷ ട്വീറ്റുകൾ: ഡൽഹി മന്ത്രിക്കെതിരായ നടപടിയിൽ സ്റ്റേയില്ലെന്ന് ഹൈകോടതി

ന്യൂ​ഡ​ൽ​ഹി: വി​ദ്വേ​ഷ ട്വീ​റ്റു​ക​ൾ ന​ട​ത്തി തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം ലം​ഘി​ച്ച​തു​മാ​യി ബ​ന്ധ​പ്പെ​ട്ട് ഡ​ൽ​ഹി നി​യ​മ​കാ​ര്യ മ​ന്ത്രി ക​പി​ൽ മി​ശ്ര​ക്കെ​തി​രാ​യ വി​ചാ​ര​ണ കോ​ട​തി ന​ട​പ​ടി​ക​ൾ സ്റ്റേ ​ചെ​യ്യാ​നാ​വി​ല്ലെ​ന്ന് ഡ​ൽ​ഹി ഹൈ​കോ​ട​തി. കേ​സി​ൽ മ​ജി​സ്റ്റീ​രി​യ​ൽ കോ​ട​തി​യു​ടെ സ​മ​ൻ​സി​നെ​തി​രാ​യ ഹ​ര​ജി ത​ള്ളി​യ സെ​ഷ​ൻ​സ് കോ​ട​തി ഉ​ത്ത​ര​വി​നെ​തി​രെ ക​പി​ൽ മി​ശ്ര ന​ൽ​കി​യ ഹ​ര​ജി​യി​ൽ ജ​സ്റ്റി​സ് ര​വീ​ന്ദ​ർ ദു​ദേ​ജ ഡ​ൽ​ഹി പൊ​ലീ​സി​ന് നോ​ട്ടീ​സ് അ​യ​ച്ചു.

വി​ചാ​ര​ണ കോ​ട​തി ന​ട​പ​ടി​ക​ൾ സ്റ്റേ ​ചെ​യ്യേ​ണ്ട ആ​വ​ശ്യ​മി​ല്ല. ന​ട​പ​ടി​ക​ൾ നി​ർ​ത്തി​വെ​ക്കാ​ൻ ഒ​രു കാ​ര​ണ​വു​മി​ല്ല. കേ​സി​ൽ മു​ന്നോ​ട്ടു പോ​കാ​ൻ വി​ചാ​ര​ണ കോ​ട​തി​ക്ക് സ്വാ​ത​ന്ത്ര്യ​മു​ണ്ട് -ഹ​ര​ജി പ​രി​ഗ​ണി​ക്ക​വെ ഹൈ​കോ​ട​തി പ​റ​ഞ്ഞു. മ​റു​പ​ടി ന​ൽ​കാ​ൻ പൊ​ലീ​സി​ന് നാ​ല് ആ​ഴ്ച സ​മ​യം അ​നു​വ​ദി​ച്ച ഹൈ​കോ​ട​തി, വാ​ദം കേ​ൾ​ക്ക​ൽ മേ​യ് 19ലേ​ക്ക് മാ​റ്റി. അ​തേ​സ​മ​യം, മാ​ർ​ച്ച് 20ന് ​വി​ചാ​ര​ണ കോ​ട​തി കേ​സി​ൽ വാ​ദം കേ​ൾ​ക്കും.

2020 നി​യ​മ​സ​ഭ തെ​ര​ഞ്ഞെ​ടു​പ്പി​നി​ടെ​യാ​ണ് പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​രെ​യു​ള്ള പ്ര​ക്ഷോ​ഭ​ങ്ങ​ളെ പ്ര​ത്യേ​ക മ​ത​വി​ഭാ​ഗ​വു​മാ​യി ചേ​ർ​ത്ത് വി​മ​ർ​ശി​ച്ച് മി​ശ്ര ട്വീ​റ്റ് ചെ​യ്ത​ത്. തു​ട​ർ​ന്ന് തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ട ലം​ഘ​നം ചൂ​ണ്ടി​ക്കാ​ട്ടി റി​ട്ടേ​ണി​ങ് ഓ​ഫി​സ​ർ ന​ൽ​കി​യ പ​രാ​തി​യി​ൽ ഡ​ൽ​ഹി പൊ​ലീ​സ് കേ​സെ​ടു​ക്കു​ക​യാ​യി​രു​ന്നു.