ചിത്രം: Twitter/DrKKAggarwal
ന്യൂഡൽഹി: ഇന്ത്യൻ മെഡിക്കൽ അസോസിയേഷൻ മുൻ അധ്യക്ഷനും പ്രമുഖ ഹൃദ്രോഗ വിദഗ്ധനുമായിരുന്ന ഡോ. കെ.കെ. അഗർവാൾ കഴിഞ്ഞ ദിവസം കോവിഡ് ബാധിച്ച് മരിച്ചിരുന്നു. ഇപ്പോൾ പിതാവിന്‍റെ വിയോഗത്തിൽ വൈകാരിക പ്രതികരണവുമായി രംഗത്തെത്തിയിരിക്കുകയാണ് മകൾ നെയ്ന അഗർവാൾ. 'അദ്ദേഹം ഒരുപാട് പേരുടെ ജീവൻ രക്ഷിച്ചു, പേക്ഷ അദ്ദേഹത്തെ രക്ഷിക്കാൻ നമുക്ക് സാധിച്ചില്ല' -നെയ്ന പറഞ്ഞു
62കാരനായിരുന്ന അഗർവാൾ ഒരാഴ്ചയായി ഡൽഹി എയിംസിൽ വെന്‍റിലേറ്ററിന്‍റെ സഹായത്തോടെയാണ് ജീവൻ നിലനിർത്തിയിരുന്നത്. തിങ്കളാഴ്ച രാത്രി 11.30നായിരുന്നു അന്ത്യം.
രാജ്യം പത്മശ്രീ പുരസ്കാരം നൽകി ആദരിച്ച അഗർവാൾ കോവിഡ് കാലത്ത് ബോധവത്കരണ വിഡിയോയിലൂടെ ഏറെ ശ്രദ്ധ നേടിയിരുന്നു. അഗർവാളിന്‍റെ നിര്യാണത്തിൽ സമൂഹത്തിന്‍റെ എല്ലാ തുറകളിൽ നിന്നുമുള്ള ആളുകൾ അനുശോചനം നേർന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.