മുംബൈ: മഹാരാഷ്ട്രയിൽ കോവിഡ് ബാധിച്ച് ഭർത്താവ് മരിച്ചതിന് പിന്നാലെ ഭാര്യ ആത്മഹത്യ ചെയ്തു. ദമ്പതികളുടെ മൂന്ന് വയസായ മകനെയും മരിച്ച നിലയിൽ കണ്ടെത്തി. മഹരാഷ്ട്രയിലെ നാഡെഡ് ജില്ലയിലാണ് സംഭവം.
തെലങ്കാനയിൽനിന്നുള്ള തൊഴിലാളിയായ 40കാരൻ തൊഴിൽ അന്വേഷിച്ചെത്തിയതാണ് മഹാരാഷ്ട്രയിൽ. മഹാരാഷ്ട്ര സന്ദർശനത്തിനിടെ ഇയാൾക്ക് േകാവിഡ് സ്ഥിരീകരിക്കുകയായിരുന്നു. ചികിത്സയിലായിരുന്ന 40കാരൻ ഏപ്രിൽ 13ന് സർക്കാർ ആശുപത്രിയിൽവെച്ച് മരിച്ചു.
ഭർത്താവിന്‍റെ മരണത്തെ തുടർന്ന് മാനസിക വിഷമത്തിലായിരുന്ന ഭാര്യ ബുധനാഴ്ച ലോഹയിലെ തടാകത്തിൽ മുങ്ങി മരിക്കുകയായിരുന്നു. ഇവരുടെ മൂന്നു വയസായ മകന്‍റെ മൃതദേഹവും തടാകത്തിൽനിന്ന് കണ്ടെത്തി.
ദമ്പതികൾക്ക് മൂന്നു മക്കളാണുള്ളത്. അമ്മയെ പിന്തുടർന്നെത്തിയ കുഞ്ഞ് വെള്ളത്തിൽ വീണ് മരിക്കുകയായിരുന്നുവെന്നാണ് പൊലീസിന്‍റെ നിഗമനം.
കുറച്ചുദിവസങ്ങൾക്ക് മുമ്പ് തെലങ്കാനയിൽ സമാന സംഭവം അരങ്ങേറിയിരുന്നു. കോവിഡ് ബാധിച്ച് മരിച്ചതിന് പിന്നാലെ ഭാര്യ ആത്മഹത്യ ചെയ്യുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.