ബംഗളൂരു: ഹൈദരാബാദ്-ബംഗളൂരു സ്ൈപസ് ജെറ്റ് വിമാനം റൺവെയിൽ തെന്നിമാറി. സ്പൈസ് ജെറ്റിന്‍റെ എസ്.ജി 1238 വിമാനമാണ് ബംഗളൂരു വിമാനത്താവളത്തിൽ തെന്നിമാറിയത്. യാത്രക്കാർക്ക് പരിക്കില്ല. അപകടത്തിൽ റൺവെയിൽ സ്ഥാപിച്ചിരുന്ന ലൈറ്റുകൾ തകർന്നു.
അപകടത്തെ തുടർന്ന് റൺവെ താൽകാലികമായി അടച്ചു. ഇതേതുടർന്ന് ബംഗളൂരുവിൽ ഇറങ്ങേണ്ടിയിരുന്ന 10 വിമാനങ്ങൾ വഴിതിരിച്ചുവിട്ടു. എട്ടു സർവീസുകൾ ചെന്നൈയിലേക്കും രണ്ടെണ്ണം ത്രിച്ചിയിലേക്കും കോയമ്പത്തൂരിലേക്കും ആണ് തിരിച്ചു വിട്ടത്.
വിമാനത്തിന് തകരാർ സംഭവിച്ചിട്ടില്ലെന്ന് സ്പൈസ് ജെറ്റ് വക്താവ് മാധ്യമങ്ങളെ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.