ന്യൂഡൽഹി: ഇന്ത്യയിലെ കോവിഡ് രോഗബാധിതരുടെ എണ്ണം 1.6 ലക്ഷം കടന്നു. ഇതോടെ ലോകത്തെ കോവിഡ് ബാധിതരുടെ എണ്ണത്തിൽ ഇന്ത്യ ഒമ്പതാം സ്ഥാനെത്തത്തി. മരണസംഖ്യയിൽ കൊറോണ വൈറസിെൻറ ഉത്ഭവ രാജ്യമായ ൈചനയെയും ഇന്ത്യ മറികടന്നു.
1,65,386 പേർക്കാണ് ഇതുവരെ രാജ്യത്ത് കോവിഡ് സ്ഥിരീകരിച്ചത്. ചൈനയിലെ രോഗബാധിതരുടെ എണ്ണം 84,106 ആണ്. 4711 േപരാണ് രാജ്യത്ത് ഇതുവരെ മരിച്ചത്. ചൈനയിൽ 4638 പേരാണ് ഇതുവരെ മരിച്ചത്. രാജ്യത്ത് 13 നഗരങ്ങളിലാണ് കോവിഡ് രോഗബാധ ഏറ്റവും കൂടുതൽ. മഹാനഗരങ്ങളായ മുംബൈ, ഡൽഹി, കൊൽക്കത്ത, ചെന്നെ എന്നിവയും ഇതിൽ ഉൾപ്പെടും.
ഡൽഹിയിൽ പുതുതായി 1024 പേർക്കാണ് കോവിഡ് സ്ഥിരീകരിച്ചത്. ഇതോടെ ഡൽഹിയിൽ രോഗം ബാധിച്ചവരുടെ എണ്ണം 16,281 ആയി. 303 പേരാണ് ഇതുവരെ ഡൽഹിയിൽ മരിച്ചത്. ആദ്യമായാണ് ഒരുദിവസം 1000ത്തിൽ അധികം പേർക്ക് ഡൽഹിയിൽ കോവിഡ് സ്ഥിരീകരിക്കുന്നത്.
മഹാരാഷ്ട്രയാണ് കോവിഡ് മഹാമാരി ഏറ്റവും രൂക്ഷമായി നാശം വിതച്ച സംസ്ഥാനം. വ്യാഴാഴ്ച മാത്രം 2598 പേർക്കാണ് രോഗം സ്ഥിരീകരിച്ചത്. ഇതോടെ സംസ്ഥാനത്തെ രോഗബാധിതർ 59,546 ആയി. 85 മരണം കൂടി പുതുതായി റിപ്പോർട്ട് ചെയ്തതോടെ 1982 പേർ സംസ്ഥാനത്ത് മരിച്ചു.
ഗുജറാത്തിൽ പുതുതായി രോഗം സ്ഥിരീകരിച്ചത് 367 പേർക്കാണ്. രോഗബാധിതരുടെ എണ്ണം 15,572 ആയി. 22 പേർ കൂടി കഴിഞ്ഞദിവസം മരിച്ചതോടെ മരണസംഖ്യ 960 ആയി. വ്യാഴാഴ്ച പശ്ചിമ ബംഗാളിൽ 344 പേർക്ക് പുതുതായി രോഗം സ്ഥിരീകരിച്ചു. 4536 പേർക്കാണ് ഇതുവരെ സംസ്ഥാനത്ത് രോഗം സ്ഥികരീകരിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.