ന്യൂഡൽഹി: പ്രശസ്ത യൂട്യൂബർ അഭ്യുദയ് മിശ്ര മധ്യപ്രദേശിൽ റോഡ് അപകടത്തിൽ മരിച്ചു. ഒരു സംഘം സുഹൃത്തുക്കൾക്കൊപ്പം ബൈക്ക് യാത്ര നടത്തുന്നതിനിടെ, മധ്യപ്രദേശിലെ സൊഹാഗ്പൂരിൽ വെച്ച് ട്രക്കിടിച്ചാണ് അപകടം നടന്നത്.
മധ്യപ്രദേശ് സർക്കാറിന്റെ ടൂറിസം പ്രമോഷന്റെ ഭാഗമായായിരുന്നു സംഘം ബൈക്ക് യാത്ര നടത്തിയത്. സെപ്റ്റംബർ 21ന് ഖജുരാവൊ നഗരത്തിൽ നിന്നാണ് യാത്ര ആരംഭിച്ചത്. പൊലീസ് ട്രക്ക് ഡ്രൈവർക്കെതിരെ കേസ് രജിസ്റ്റർ ചെയ്തിട്ടുണ്ട്.
മൊബൈൽ ഗെയിം ആയ ഗരേന ഫ്രീ ഫയർ കളിക്കുന്നതിന്റെ വിഡിയോകൾ അപ്ലോഡ് ചെയ്താണ് അഭ്യുദയ് മിശ്ര യൂട്യൂബിൽ ജനകീയനായത്. സ്കൈലോർഡ് എന്ന പേരിൽ അറിയപ്പെട്ട യൂട്യൂബർക്ക് മില്യൺ കണക്കിന് ഫാൻസുണ്ട്. 4.24 ലക്ഷം പേർ അദ്ദേഹത്തെ ഇൻസ്റ്റ്ഗ്രാമിലും ഫോളോ ചെയ്യുന്നു.
'മധ്യപ്രദേശ്, ഹാർട്ട് ഓഫ് ഇൻക്രെഡിബിൾ ഇന്ത്യ' എന്ന തലക്കെട്ടിൽ സെൽഫിയാണ് ഇൻസ്റ്റഗ്രാമിലെ അവസാന പോസ്റ്റ്. രണ്ടാഴ്ച മുമ്പായിരുന്നു യൂ ട്യൂബിൽ അവസാന വിഡിയോ അപ്ലോഡ് ചെയ്തത്. അത് 1.64 മില്യൺ പേർ കണ്ടിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.