മംഗളൂരു: മംഗളൂരുവിലെ കുലശേഖരയിൽ ട്രാക്കിലേക്ക് കുന്നിടിഞ്ഞു വീണ് എട്ടു ദിവസമാ യി മുടങ്ങിക്കിടക്കുന്ന ട്രെയിൻ സർവിസ് പുനരാരംഭിച്ചു. വൈകുന്നേരം നിസാമുദ്ദീൻ-എറണാകുളം മംഗള ലക്ഷദ്വീപ് എക്സ്പ്രസ് ഇതുവഴി കടത്തിവിട്ടു.
വെള്ളിയാഴ്ച ഉച്ചയോടെ ട്രെയിൻ സർവിസ് പുനരാരംഭിക്കാൻ ശ്രമം നടന്നെങ്കിലും കനത്ത മഴയെ തുടർന്ന് സമാന്തര പാത നിർമാണം വൈകി. സമാന്തര പാത നിർമിക്കുന്ന 400 മീറ്റർ ദൂരത്തിൽ നിലമൊരുക്കി ജെല്ലി നിറച്ച് റെയിൽ പാളങ്ങൾ ഘടിപ്പിച്ചു.
പാലക്കാട് ഡിവിഷനുകീഴിൽ പടീൽ-ജോക്കട്ട റെയിൽവേ സ്റ്റേഷനുകൾക്ക് ഇടയിലെ കുലശേഖരയിൽ കഴിഞ്ഞ 23ന് പുലർച്ചെ സമീപത്തെ കുന്നിെൻറ ഒരു ഭാഗം ഇടിഞ്ഞു വീണ് ഗതാഗതം തടസ്സപ്പെടുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.