കൽക്കരി കുറഞ്ഞ നിരക്കിൽ ലഭ്യമാക്കാനാണ്​ ദീർഘകാലത്തേക്കുള്ള പരിഷ്​കാരങ്ങൾ-ധർമേന്ദ്ര പ്രദാൻ

ന്യൂഡൽഹി: കൽക്കരി ദീർഘകാലത്തേക്ക്​ കുറഞ്ഞ വിലയിൽ ലഭ്യമാക്കാനാണ്​ പരിഷ്​കാരങ്ങൾ കൊണ്ടുവന്നതെന്ന്​ കേന്ദ്രമന്ത്രി ധർമേന്ദ്ര പ്രദാൻ. പുതിയ തീരുമാനപ്രകാരം രാജ്യത്ത്​ കൽക്കരിയുടെ ഉൽപാദനം വർധിക്കുമെന്നും അദ്ദേഹം വ്യക്​തമാക്കി.

സ്വകാര്യമേഖലക്കും കൽക്കരി ഖനനത്തിന്​ അനുമതി നൽകിയിട്ടുണ്ട്​. സ്വകാര്യ മേഖലയും പൊതുമേഖലയും ഒരുമിച്ച്​ കൽക്കരി ഖനനം നടത്തും. ഇന്ത്യക്ക്​ ധാതുക്കളുടെ വലിയ സമ്പത്തുണ്ട്​. ഇതാദ്യമായാണ്​ ഇന്ത്യയിൽ ഖനികൾ ലേലം ചെയ്യാനുള്ള നീക്കങ്ങൾ നടത്തുന്നതെന്നും അദ്ദേഹം കൂട്ടിച്ചേർത്തു.

കൽക്കരി മേഖലയിൽ സ്വകാര്യ മേഖലക്ക്​ കൂടി പങ്കാളിത്തം നൽകുമെന്ന്​ ധനമന്ത്രി നിർമ്മലാ സീതാരാമൻ കഴിഞ്ഞ ദിവസം അറിയിച്ചിരുന്നു. 50 ഖനികൾ ഉടൻ ലേലം ചെയ്യുമെന്നും അവർ വ്യക്​തമാക്കിയിരുന്നു.