ലഖ്നോ: ഉത്തർപ്രദേശിൽ പ്രായപൂർത്തിയാകാത്ത പെൺകുട്ടിയെ പിതാവിന്‍റെ സുഹൃത്തുക്കൾ തട്ടികൊണ്ടുപോയി കൂട്ടബലാത്സംഗം ചെയ്തു. യു.പിയിലെ ഹാപൂരിലാണ് സംഭവം.
ഓട്ടോയിൽ സ്കൂളിലേക്ക് പോകുകയായിരുന്ന കുട്ടിയെ പ്രതികൾ ബൈക്കിലെത്തി തടഞ്ഞുനിർത്തുകയായിരുന്നു. കുട്ടിയെ ഓട്ടോയിൽ നിന്നിറക്കി ബൈക്കിൽ കയറ്റിയ ശേഷം ഓയോ ഹോട്ടലിലെത്തിച്ചായിരുന്നു ബലാത്സംഗത്തിനിരയാക്കിയത്.കുട്ടിയെ പീഡിപ്പിക്കുന്നതിന്‍റെ ദൃശ്യങ്ങളും സംഘം മൊബൈലിൽ പകർത്തുകയും സംഭവം പുറത്തറിഞ്ഞാൽ ദൃശ്യങ്ങൾ പ്രചിരിപ്പിക്കുമെന്ന് ഭീഷണിപ്പെടുത്തുകയായിരുന്നു.
ആക്രമണത്തെ എതിർക്കാൻ ശ്രമിച്ചതോടെ പ്രതികളിലൊരാൾ കുട്ടിയെ കഴുത്ത് ഞെരിച്ച് കൊലപ്പെടുകത്താനും ശ്രമിച്ചിരുന്നു. വീട്ടിൽ തിരിച്ചെത്തിയ കുട്ടി സംഭവം മാതാപിതാക്കളെ വിവരമറിയിച്ചു. ഇവർ നൽകിയ പരാതിയുടെ അടിസ്ഥാനത്തിൽ പിതാവിന്‍റെ സുഹൃത്തുക്കളായ മൂന്ന് പേർക്കെതിരെ ഹാപൂർ പൊലീസ് കേസെടുത്തിട്ടുണ്ട്. പോക്സോ വകുപ്പ്, കൊലപാതകശ്രമം, കൂട്ടബലാത്സംഗം എന്നിവയുൾപ്പെടെയുള്ള വകുപ്പുകൾ ചുമത്തിയാണ് അറസ്റ്റ്. കുട്ടിയെ മെഡിക്കൽ പരിശോധനക്കയച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.