മുംബൈ: മുംബൈ ഛത്രപതി ശിവജി അന്താരാഷ്ട്ര വിമാനത്താവളത്തിൽ പ്രധാന റൺവേ രണ്ടു ദിവസത്തേക്ക് ഭാഗികമായി അടച്ചിടും. ഇന്നും നാളെയും ആറു മണിക്കൂർ നേരമാണ് പ്രധാന റൺവേ അടച്ചിടുക. വർഷകാലത്തിന് മുമ്പ് അറ്റകുറ്റപണികൾ ചെയ്യുന്നതിനാണ് റൺവേ ഭാഗികമായി അടക്കുന്നത്.
പ്രധാന റൺവേ 09/27, സെക്കൻററി റൺവേ 14/32 എന്നിവ രാവിലെ 11 മണിമുതൽ വൈകിട്ട് അഞ്ചുവരെയാണ് അടച്ചിടുന്നത്. പ്രധാന റൺവേയിൽ നിന്ന് മണിക്കൂറിൽ 48 വിമാനങ്ങൾ പുറപ്പെടുകയും ഇറക്കുകയും ചെയ്യാം. സെക്കൻററി റൺവേയിൽ നിന്ന് മണിക്കൂറിൽ 35 വിമാനങ്ങൾ ഇറക്കുകയും പുറപ്പെടുകയും ചെയ്യാറുണ്ട്.
റൺവേ ഭാഗികമായി അടച്ചതിനെ തുടർന്ന് മുംബൈയിൽ നിന്നുള്ള 100 ഒാളം സർവീസുകൾ നിർത്തിവെച്ചു. ജെറ്റ് എയർവേസിെൻറ 70 ആഭ്യന്തര സർവീസുകളും ഏതാനും രാജ്യാന്തര സർവീസുകളും റദ്ദാക്കിയിട്ടുണ്ട്. സ്പൈസ് ജെറ്റ് 18 സർവീസുകൾ റദ്ദാക്കിയതായി അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.