ന്യൂഡൽഹി: പുൽവാമ ഭീകരാക്രമണവുമായി ബന്ധപ്പെട്ട് ആറാമത്തെ പ്രതിയെ എൻ.ഐ.എ അറസ്റ്റ് ചെയ്തു. ജമ്മുകശ്മീരിലെ ബുദ്ഗാം ജില്ലയിലെ ഫുൾട്ടിപുരയിൽ നിന്നുള്ള മുഹമ്മദ് ഇക്ബാൽ റാത്തറാണ് അറസ്റ്റിലായത്. ജെയ്ഷെ മുഹമ്മദ് തീവ്രവാദി മുഹമ്മദ് ഉമർ ഫാറൂഖിനെ സഹായിച്ചത് ഇയാളെന്നാണ് എൻ.ഐ.എ പറയുന്നത്.
ഭീകരാക്രമണത്തിനായുള്ള കുഴിബോംബുകൾ സ്ഥാപിച്ചത് മുഹമ്മദ് ഉമർ ഫാറൂഖിെൻറ നേതൃത്വത്തിലാണെന്നാണ് എൻ.ഐ.എ കണ്ടെത്തൽ. മറ്റൊരു കേസുമായി ബന്ധപ്പെട്ട് റാത്തർ 2018 സെപ്റ്റംബർ മുതൽ ജുഡീഷ്യൽ കസ്റ്റഡിയിലാണ്. പ്രത്യേക എൻ.ഐ.എ കോടതിയിൽ ഹാജരാക്കിയ റാത്തറിനെ ചോദ്യം ചെയ്യാനായി ഏഴ് ദിവസം കസ്റ്റഡിയിൽ വിട്ടു.
റാത്തറിെൻറ അറസ്റ്റോടെ പുൽവാമ ഭീകരാക്രമണത്തിൽ എൻ.ഐ.എ അറസ്റ്റ് ചെയ്തവരുടെ എണ്ണം ആറായി. കഴിഞ്ഞ ഫെബ്രുവരി 14ന് നടന്ന ഭീകരാക്രമണത്തിൽ 40 സി.ആർ.പി.എഫ് ജവാൻമാരാണ് വീരമൃത്യു വരിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.