വ​ജ്ര കമ്പനിയെ കമ്പളിപ്പിച്ചതിന് നീരവ് മോദിയുടെ സഹോദരനെതിരെ അമേരിക്കയിൽ കേസ്

ന്യൂഡൽഹി: 13,000 കോ​ടി രൂ​പയു​ടെ ബാ​ങ്ക്​ ത​ട്ടി​പ്പ്​ ന​ട​ത്തി ഇന്ത്യ​യി​ൽ​ നി​ന്ന്​ ക​ട​ന്ന വ​ജ്ര വ്യ​വസാ​യി​ നീ​ര​വ്​ മോദിയുടെ സഹോദരൻ നെഹൽ ദീപക് മോദിക്കെതിരെ അമേരിക്കയിൽ കേസ്. എൽ.‌എൽ.‌ഡി ഡയമണ്ട്സ് യു.‌എസ്‌.എ എന്ന കമ്പനിയിൽ നിന്ന് ഒരു ദശലക്ഷം ഡോളർ വിലമതിക്കുന്ന വജ്രങ്ങൾ തട്ടിപ്പിലൂടെ സ്വന്തമാക്കിയെന്നാണ് കുറ്റം.

മൻഹാട്ടൺ ഡിസ്ട്രിക്റ്റ് അറ്റോർണി സി വാൻസ് ജൂനിയറിന്‍റെ ഒാഫീസ് ഡിസംബർ 18ന് പുറത്തിറക്കിയ പ്രസ്താവനയിലാണ് ഇക്കാര്യം അറിയിച്ചത്. കമ്പനിയിൽ നിന്ന് അനുകൂല വായ്പാ നിബന്ധനകൾക്ക് വേണ്ടി 2.6 മില്യൺ ഡോളറിലധികം വിലമതിക്കുന്ന രത്നങ്ങൾ നേടിയെന്നും ഇത് വ്യക്തിപരമായ ആവശ്യങ്ങൾക്ക് ഉപയോഗിച്ചെന്നും ആണ് നെഹൽ മോദിക്കെതിരായ പരാതി.

2019 സെപ്റ്റംബറിൽ ബാങ്ക് തട്ടിപ്പ് കേസിൽ നെഹൽ മോദിക്കെതിരെ ഇന്‍റർപോൾ റെഡ് കോർണർ നോട്ടീസ് പുറപ്പെടുവിച്ചിരുന്നു. സാമ്പത്തിക തട്ടിപ്പ് നടത്തുന്നതിനും തെളിവുകൾ നശിപ്പിക്കുന്നതിനും നീരവ് മോദിയെ സഹായിച്ചെന്നാണ് സഹോദരൻ നെഹലിനെതിരെ എൻഫോഴ്സ്മെന്‍റ് ഡയറക്ടറേറ്റ് (ഇ.ഡി) ആരോപിക്കുന്നത്.

2018 ജ​നു​വ​രി​യി​ൽ രാ​ജ്യം​വി​ട്ട നീ​ര​വ്​ മോ​ദി ഒരു വ​ർ​ഷം പി​ന്നി​ട്ട​തി​നു ​ശേ​ഷ​മാ​ണ് ലണ്ടനിൽ അറസ്റ്റിലാ​വു​ന്ന​ത്. നീ​ര​വി​നെ ഇ​ന്ത്യ​യി​ലേ​ക്ക്​ കൊ​ണ്ടു​ വ​രു​ന്ന​തി​നു​ള്ള നീ​ക്ക​ത്തിലാണ് അ​ന്വേ​ഷ​ണ​സം​ഘം. ബാ​ങ്ക്​ വാ​യ്​​പ ത​ട്ടി​പ്പു​കേ​സി​ൽ മോ​ദി​യും അ​മ്മാ​വ​ൻ മെ​ഹു​ൽ ചോം​സ്​​കി​യു​മാ​ണ്​ പ്ര​ധാ​ന പ്ര​തി​ക​ൾ. ത​ട്ടി​പ്പു പു​റ​ത്തു​വ​ന്ന ഉ​ട​ൻ ഇ​രു​വ​രും ഇ​ന്ത്യ​യി​ൽ​ നി​ന്ന്​ ക​ട​ന്നു​ക​ള​ഞ്ഞിരുന്നു.